Putinek Errusiako 300.000 erreserbistari Ukrainara joateko agindua eman die
Vladimir Putin Errusiako presidenteak Ukrainan "mobilizazio militar partziala" egitea agindu du, errusiarrei zuzendutako mezu batean. Helburua, erantsi duenez, Donbass eskualde ukrainarra "askatzea" da. Izan ere, argudiatu du bertako "jende gehienak" ez duela "Ukrainaren uztarripean egon nahi".
Mobilizazioa "gaur bertan" abiatuko dela zehaztu du. Borrokara militar ohiak eta erreserban zeuden herritarrak bidaliko ditu Putinek; 300.000 bat dira (biztanleriaren % 1) Defentsa ministerioaren arabera.
Eskualde errusiarzaleek Errusiarekin bat egiteko erreferendumak iragarri eta gero eman du agindua Putinek.
Hitzaldi gogorra izan da Putinena, 15 minutu ingurukoa. Horren hitzetan, Mendebaldeak Errusia "suntsitu" nahi du, eta horren aurrean, Kremlinek "eskura dituen baliabide guztiak" erabiliko ditu herritarrak "defendatzeko".
"Arma asko ditugu, hau ez da bluffa (broma)", ohartarazi du.
Mehatxu nuklearra
Errusiako presidenteak salatu duenez, Mendebaldeak "xantaia nuklearra" darabil. Horren ahotan, "Hondamendi atomikoa eragin dezaketen Zaporizhiako zentral nuklearraren kontra egiten ari diren erasoak ez ezik, NATOko goi agintarien adierazpenak ere badaude. Errusiaren kontra suntsipen handiko armak erabiltzearekin mehatxu egiten dute".
Errusiarrei lasai egoteko esan die, "lurraldearen osotasuna, independentzia eta askatasuna bermatuta daude". "Eta arma nuklearrekin mehatxatzen gaituzten horiek jakin dezatela haizeak norabidea aldatu eta euren kontra egin dezakeela", ohartarazi du.
Defentsa Ministerioak hildako soldaduen kopurua zehaztu du
Bestalde, Sergei Shoigu Errusiako Defentsa ministroak iragarri duenez, 5.937 errusiar hil dira Ukrainako gerran. Aitzitik, 61.200 militar ukrainar hil dituztela zehaztu du, eta beste 49.400 zauritu. "Hasieran, Ukrainako Indar Armatuek 201.000 eta 202.000 pertsona zituzten, baina 100.000 hil dira", azaldu du.
Ukrainako Armadaren Estatu Nagusiaren kontaketa bestelakoa da. Facebookeko bere orrialdean eskegitako mezu baten arabera, orain arte, 55.110 militar errusiar hil dira, 300, azken egunean. "Errusiar etsaiek inoizko kolperik handienetakoa jaso dute Donetsken", jakinarazi du, balantzea "eguneratzen ari" zirela gehitu badu ere.
Lehen analisia
Mikel Reparaz EITB Mediako nazioarteko buruak lehen iruzkina egin du Putinen iragarpenaren berri izan ondotik:
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.