Europar Batasuna, kezkatuta Italiako eskuin muturraren garaipenarekin
Bruselan kezka nabaria da Italian eskuin muturra boterera iritsiko delako, hamar egun lehenago Suedian ere eskuin muturra boterera heldu eta gero. Hauek Polonia eta Hungariako gobernu populisten babesa izango dutela uste da. Gogoratu behar da herrialde hauek Europako Batzordearekin tirabiran ari direla eskubide estatua eta botere banaketa ez errespetatzeagatik.
Italia Europar Batasuneko hirugarren ekonomia handiena da, eta sorrerako sei herrialdeetako bat ere bada. Bruselan, batez ere, arlo ekonomikoak kezkatzen du, egonkortasun egoera arriskuan jar dezakeelako. Italiak EBko zor publiko handiena dauka, guztira 2,9 bilioi euro. Erlatiboki, Greziaren ondoren, bigarren zor publiko handiena dauka, BPGren % 155.
Ursula Von der Leyen Europako Batzordeko presidenteak dagoeneko ohartarazi duenez, eskuin muturreko gobernuak Europako printzipio demokratikoak urratzen badituEBk Italiari diru laguntzak kenduko dizkio.
Gogoratu behar da, Europako ekonomia bultzatzeko diru kopuru handiena Italiari dagokiola, 70.000 miloi euro, guztira 750 000 miloi euroko zenbatekoa duen funtsetatik.
Horrez gain, Europar Batasunean kezkatuta daude migrazioaren arloan, abortu eskubidearen arloan, eta batez ere Ukrainako gerraren inguruan Italiak har ditzaken neurriengatik. Izan ere, Giorgia Meloni ukrainarren alde agertu bada ere, Ligako Mateo Salvini, bere koalizio kidea Putin presidentearen alde azaldu da, eta Errusiaren kontrako zigorren aurka dago.
Europar Batasuneko politikarien lehen adierazpenek dagoeneko kezka hori azaldu dute. Alemanian, gobernuan dagoen SPD alderdiko Katarina Barleyk, Europako Parlamentuko presidenteordeak, azaldu duenez, Italiako eskuin muturraren garaipenak arriskuan jartzen du "Europar Batasunean barneko elkarlana".
Europako Parlamentuko Berdeen bozeramailea den Rasmus Andresenen ustez, Italian izan den "eskuin muturrerako birak" ondorio astunak eta zabalak izango ditu Europan eta Europar Batasunean.
Bestalde, Brusela lasaitzen saiatu da gaur Antonio Trajani Europako Parlamentuko presidente ohia. Eskuin/eskuin muturreko koalizioan dagoen Forza Italiako buruzagi honek segurtatu duenez, Italiak Europar Batasunarekin sinatuta dituen itun eta konpromiso guztiak errespetatuko ditu.
Albiste gehiago mundua
Macronek bi eguneko epea eman dio Lecornuri Gobernua osatzeko
Frantziako presidenteak azaldu duenez, lehen ministro berriak asteazkenera arte izango du "ekintza plataforma bat" negoziatzeko.
Flotillako euskal ekintzaileek gauerdian iritsiko dira Loiura
Lau euskal ekintzaileak Atenasen daude, eta bertatik hegaldia hartuko dute Bilborako noranzkoan. Astelehen honetan, 23:14ak aldera, Bizkaiko hiriburuan lurreratzea espero da.
Ontzidi berria Gazatik 350 kilometrora dago
Askatasunaren Ontzidia irailaren 27an Cataniatik abiatu ziren zortzi belaontzik eta "Conscience" ontziak osatzen dute. Azken honi maiatzaren hasieran eraso egin zioten nazioarteko uretan, Malta parean. Konponketa lanak amaitu ondoren Otrantoko portutik isasoratu zen irailaren 30ean.
2025eko Medikuntzako Nobel saria irabazi dute Brunkowek, Ramsdellek eta Sakaguchik, tolerantzia immunologiko periferikoarekin lotutako aurkikuntzengatik
Mary E. Brunkow, Fred Ramsdell eta Shimon Sakaguchi saritu dituzte immunitate-sistemaren segurtasun-guardiak (T zelula erregulatzaileak) identifikatzeagatik. Zelula immunitarioek gure organismoari eraso egitea saihesten dute horiek, hortaz, denborarekin, gaixotasun autoimmuneak artatu eta sendatu ahal izatea espero dute.
Lecornu: "Ezin naiz lehen ministro izan gobernatzeko baldintzak betetzen ez direnean"
Lehen ministro ohiak Matignonen (gobernuaren egoitza) adierazi duenez, "bide bat eraikitzen" saiatu da "aurretik blokeatuta egon diren gaietan", hala nola langabezia-aseguruan eta gizarte-segurantzan, "kudeaketa bateratua berrezartzeko" eta herrialdea krisitik ateratzeko "bide-orri bat eraikitzeko".
Gazan bakea lortzeko beste saiakera bat abian, Trumpen proposamena abiapuntu hartuta
Israelgo eta Hamaseko ordezkaritzak nahiz bitartekariak (AEB eta Qatar) Egipton dira, gaur arratsaldean hasi diren negoziazioetan parte hartzeko. Bitartean, Gazan, martxotik aurrenekoz, ez da eraso hilgarririk izan gauez.
Lecornuk dimisioa eman du, Gobernua izendatu eta ordu gutxira
Ohar labur batean, Eliseoak adierazi du Macronek onartu egin duela Lecornuk aurkeztutako dimisioa; horrek ateak irekitzen dizkie hainbat aukerari, tartean hauteskundeak aurreratzea.
Milaka mendizale harrapatuta daude Everesten, elur-ekaitz handi baten ondorioz
Dagoeneko, 350 pertsona inguru atera dituzte; altitude handiko eremuetan bilaketa-lanekin jarraitzen dute. Elurra pilatu da eta bideak itxita behar izan dituzte. Ekaitzaren ondorioz ehunka mendizale ezin atera geratu ziren larunbat gauean itsas mailatik 4.200 metrora dagoen Gama haranean. Dozenaka denda erori ziren eta haizearen ondorioz helikopteroek ezin izan zuten erreskaterik egin.
Albiste izango dira: Israel eta Hamasen arteko bake negoziazioak, Donostiako Aquariumak 100 urte eta gripearen txertaketa kanpaina
Gaurkoan Orain-en albiste izango direnen laburpena, bi hitzetan.
Flotillako ekintzaileek Israelen tratu txarrak salatu dituzte: "Gu makurrarazten eta iraintzen saiatu dira"
Hilko ote zuten pentsatu zuten galdetuta, aktibista batek erantzun du baietz: "Momentu batzuetan zera pentsatu dut, bertan hil egin behar nindutela".