Europako Batzordeak Italiako Gobernu berriarekin "kooperazio eraikitzailea" izatea espero du
Italian eskuin muturrak hauteskundeak irabazi eta biharamunean, Europako Batzordeak esan du "kooperazio eraikitzailea" espero duela sortuko den Gobernu berriarekin. Itxura guztien arabera, Giorgia Meloni FdI (Fratelli d'Italia) alderdiko buruzagia izango da Italiako lehen ministro berria, bere alderdiak irabazi baititu hauteskundeak botoen % 26,2 eskuratuta.
"Batzordeak eta presidenteak hauteskunde emaitzetatik ateratzen diren Europar Batasuneko Gobernuekin lan egiten dute, eta kasu honetan ere, berdin egingo dute. Lankidetza eraikitzailea espero dugu Italiako agintari berriekin", adierazi du Eric Mamer Europako Batzordeko bozeramaileak gaur goizeko prentsaurrekoan.
Mamerren iritziz, Italiako hauteskundeetako emaitzak ez dira Europako politiken aurkako "epaiketa" gisa ulertu behar. "Gehiegi sinplifikatzea iruditzen zait", gaineratu du. Bruselak, ohi duen bezala, ez du balorazio ofizialik egin hauteskundeen inguruan. Gogorarazi du Bruselak ez dituela inoiz aipatzen EBko herrialde bateko hauteskundeen emaitzak, eta adierazi du "oso harroputza" izango litzatekeela italiarrek bozkatutakoa bozkatzeko izan dituzten arrazoiak aztertu nahi izatea.
Bestalde, Mamerrek azpimarratu du Batzordea gogor ari dela lanean europarrek oro har eta italiarrek bereziki dituzten arazoei aurre egiteko.
Zure interesekoa izan daiteke
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".