Urte arteko inflazioa % 8,2ra jaitsi da irailean AEBn
Ameriketako Estatu Batuetako inflazioak behera egin du irailean berriro ere, aurreko bi hilabeteetan ere egin zuenez, eta % 8,2an kokatu du urte arteko tasa, hau da, abuztuan baino hamarren bat beherago, Lan Estatistika Bulegoak ostegunean argitaratutako datuen arabera. Urte arteko datuek, halaber, zehaztu dute azpiko inflazioa, alegia, kontsumorako prezioen igoera neurtzen duena, baina elikagaiena eta energiarena kenduta, % 6,6ra igo dela, abuztuan baino hiru hamarren gehiago, eta uztailean baino zazpi hamarren gehiago.
Abuztuarekin alderatuta, kontsumorako prezioek lau hamarren egin dute gora, hilabete horretan apur bat igota. Energiaren prezioen indizea, baina, % 19,8an dago, aurreko hamabi hilabeteak kontuan izanik, eta abuztuan, aldiz, % 23,8an zegoen; elikagaienak, bere aldetik, % 11,2 zehaztu du.
Hileroko konparazioan, iraileko igoerak etxebizitzako, elikagaietako eta arreta medikuko prezioen igoerak eragin du; hori bai, gasolinak % 4,9 egin du behera, eta horrek, nolabait, berdindu egin du.
Hala, AEBko inflazioak altua izaten jarraitzen du, nahiz eta Erreserba Federalak interes tasak igo dituen. Irailean egindako azken bileran, igotzea erabaki zuen, martxorik bosgarren aldiz, 0,75 puntu; duela hilabete batzuk hasitako bideari jarraitzen dio, hortaz, prezioak murriztea helburu.
Ekainean, inflazioa azken 40 urteotako mailarik altuenean kokatu zen, baina uztailean behera egiten hasi zen, % 8,5eraino. Altua izaten jarraitu arren, urte arteko indizean azken hilabeteotan izandako beherakadak arnasaldi txikia eman dio estatubatuar ekonomiari; uztailaren amaieran, adituen esanetan, atzerapen teknikoan sartu zen, barne produktu gordinean jaitsierak izan baititu elkarren segidako bi hiruhilekotan.
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.