Trump AEBko presidente ohiak zinpean eman beharko du testigantza Kapitolioari egindako erasoaren harira
Kapitolioaren aurkako erasoa ikertzen ari den AEBko Ordezkarien Ganberako batzordeak Donald Trump AEBko presidente ohiak zinpean lekukotasuna ematearen alde bozkatu du, 2020ko azaroko presidentetzarako hauteskundeen emaitzak iraultzeko "konspirazio kriminal" baten gakoa delakoan.
Bederatzi kideen babesarekin onartu dute erabakia, 2021eko urtarrilaren 6ko matxinada ikertzen hasi eta urtebetera. Gainera, azaroaren 8rako ezarritako agintaldi erdiko hauteskundeak egiteko egun gutxi falta direnean izan da.
Batzordeak beste saio bat egin du ostegun honetan, eta, bertan, Trumpek Joe Biden egungo presidenteak irabazi zituen hauteskundeetan garaipena deklaratzeko "aurrez pentsatutako plana" zuela agerian uzteko zantzu berriak aurkeztu dituzte.
Bennie Thompson batzordeko presidente demokratak azpimarratu duenez, "gertakariak eta testigantzak argiak dira, eta ondo dokumentatuta daude". "Ebidentziak ez datoz demokratengandik, ezta Trumpen aurkariengandik ere. Idatzizko ebidentziak dira", argitu du.
Bestalde, saioaren hasieran, Wyoming estatuko ordezkari errepublikano Liz Cheneyk adierazi du Kapitolioaren aurkako erasoa ez zela gertatuko Trump egon ezean.
Ildo beretik mintzatu da Zoe Lofgren, Kaliforniako demokrata, eta esan du "bere garaipen diskurtso faltsua aurrerapen handiz" planifikatu zutela, baita "botoak zenbatu aurretik ere". "Presidentearen asmoa izan zen garaipena deklaratzea, benetako emaitza edozein izanda ere", gaineratu du.
Batzordearen misio nagusia da AEBko agintari ohiaren eta bere aldekoen papera argitzea, 2020ko azaroko hauteskundeetan Joe Biden egungo presidentearen aurkako porrota berresten zuen prozesua eteteko Kongresua hartzera animatu ziren egunetan.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.