Tiranan 27ek EB Balkanetan zabaltzeari bultzada eman diote
Kosovok Europar Batasunan (EB) sartzeko bere hautagaitza urtea amaitu baino lehen aurkeztuko du. Hil honen 15an ere 27ek Bosnia-Herzegovinari buruzko estatusa erabakiko dute.
Bruselan, ekainaren 23an izandako bilera negargarriaren ondoren, astearte honetan Tiranako goi-bileran elkar-ulertze bat izan da. Aleksandar Vucic Serbiako presidenteak bilera boikoteatzeko mehatxua egin bazuen ere, azkenean Albaniako hiriburuko goi-bilera honetan hartu du parte. Urteetan zehar Europako ateetan zain egoteagatik herrialde hauetan dagoen frustrazioa kontutan hartuz, oraingoan Europar Batasuneko (EB) buruzagiek borondate hona erakutsi nahi izan dute.
Emaitza zehatzak
Goi-bilera honetan hartutako erabakien artean, 1.000 miloi euroko pakete bat dago, energia krisiaren ondorioak leundu eta azpiegiturak berregokitzeko helburuz. Horrez gain, EBren eta Balkanen arteko telefonoko komunikazioak merkatu, eta herrialde horietako unibertsitateak Europako unibertsitateen sarean sartuko dira.
Beraz, Balkanetako ikasleek Europako kanpusetan ikasi ahal izango dute, modu presentzialean edo birtualean. Horrez gain, Europako Ikastetxearen hirugarren egoitza Tiranan egitea erabaki da. Gaur egun, Brujasko jatorrizko egoitzaren ondoren, bigarren egoitza Polonian dago 1990ez geroztik.
EBra atxikitzeko Kosovoren hautagaitza
Charles Michel Europar Kontseiluko presidenteak historikotzat jo du goi-bilera. Horren ustez, Europa aberatsagoa eta seguruagoa izango da, Balkanetako herrialdeak bere baitan baditu. Gaur egun Balkanetako sei herrialdeetatik lauk EBn sartzeko negoziaketak martxan dituzte. Hala ere, beren sarrera gauzatzeko urte batzuk beharko dira.
Vjosa Osmani Kosovoko presidenteak iragarri du EBn atxikitzeko eskaera urtea amaitu baino lehen aurkeztuko duela. Horretarako Serbiarekin ere negoziaketak hasteko prest azaldu da, beti ere Bruselaren babesarekin. Aitortu behar denez, edozein Estatuk eska dezake Europan sartzea, baina legelari guztiak ez datoz bat Kosovo Estatua dela esaterakoan, Serbiarengandik independentzia indarrez lortu baitzuen.
Edonola ere, Ukrainako gerrak eta Errusiaren mehatxuak bultzatu dute Europar Batasuna urrats horiek ematera.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.