Ukrainara Patriot misil sistemak bidaliko dituela iragarri du Washingtonek
Antony Blinken Ameriketako Estatu Batuetako Estatu idazkariak iragarri duenez, 1.850 milioi dolarreko laguntza militarra emango diote Ukrainari, tartean Patriot misil sistemak.
Volodimir Zelenski Ukrainako presidentea Joe Biden AEBko presidenteak Etxe Zurian hartu baino ordu gutxi batzuk lehenago egin du iragarpena AEBetako diplomaziaren buruak, gerra hasi zenetik egin duen lehen bidaian.
Bidenek gerra "bidezko bake" batekin amaitzea nahi duela adierazi dio Ukrainako bere homologoari, eta Zelenskik, berriz, Washingtoni bere babesa eskertzeko eta borrokak aurrera jarraitzen duela gogorarazteko aprobetxatu du.
Gaur ezagututako laguntzarekin —hogeita zortzigarren paketea 2021eko abuztutik—, dagoeneko 21.900 milioi dolar bideratu ditu Joe Biden presidentearen Administrazioak Ukrainara.
Blinkenek nabarmendu duenez, Patriot misilak "gurutzaldi-misilak, irismen laburreko misil balistikoak eta aireontziak botatzeko gai dira, aurreko defentsa-sistemek ematen zutena baino altuera askoz handiagoan".
"Ukrainari laguntza ematen behar den denbora jarraituko dugu, Kievek bere burua defendatzen jarraitu ahal izateko eta unea iristen denean negoziazio mahaira ahalik eta egoera onenean iristeko", azpimarratu du AEBko diplomaziaren buruak, eta Ukrainako herriak Errusiaren "eraso basatien" aurrean duen "ausardia" goraipatu du.
Putinek dio ez dagoela mugarik Errusiako Armadaren finantzaketan
Bestalde, Vladimir Putin Errusiako presidenteak bilera egin du Defentsa Ministerioaren buruzagi nagusiekin. "Ez dugu inolako mugarik finantzaketan, herrialdeak eta Gobernuak Armadak eskatzen duen guztia ematen dute, guztia", ziurtatu du batzarrean.
Zentzu horretan, Putinek esan du Errusiako Armadako tropel bakoitzak drone bat izan behar duela "etsaiari" aurre egiteko, Ukraina azken hilabeteetan, besteak beste, Iranen egindako droneekin bonbardatu baitu.
Errusiako presidenteak, gainera, herritarrak Armadara deitu ahal izateko adina 30 urtera arte luzatzeko proposamena onartu du.
Azkenik, abiazio estrategikoak, kontinente arteko misilek eta itsaspeko atomikoek osatutako hiruko nuklearraren gaitasuna hobetzeko deia egin du Putinek.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.