Txinako egoera "kezkagarria" dela eta, aldaera berriak zaintzea gomendatu du Bruselak
Europako Batzordeak onartu du Txinan koronabirus kasuen gorakada "kezkagarria" dela, eta "agian berandu baino lehen" beharrezkoa izango dela kontrol neurri berriak sartzea, bain oraingoz zaintza jarraibideak areagotzeko eskatu die estatu kideei; adibidez, laginak sekuentziatuz aldaera berriak hautemateko edo hondakin urak aztertuz, aireportuetakoak bereziki.
Hala planteatu du Stella Kyriakides Europako Osasun komisarioak Hogeita Zazpien Osasun ministroei igorritako gutun batean, eta azpimarratu du Bruselak "gertutik" zaintzen duela egoeraren bilakera, ostegunean agerian geratu zenez, Osasun Segurtasuneko Batzordeak ezohiko deialdia egin baitzuen.
Onartu duenez, Txinatik datozen datuak "nahiko urriak" dira, eta herrialde horretako txertaketa maila "txikia" da. Bi faktore horiek direla eta, hainbat herrialdek beren kabuz hartu dituzte neurriak. Europar Batasunaren barruan, Espainiak Italiarekin bat egin du ostiral honetan. Italiak lehen urratsa eman zuen asteazkenean.
Komisarioak onartu du beharrezkoa dela "prest" egotea, baina oraingoz ez dago neurri komunik. Osteguneko bileratik, ordea, "adostasun zabala" azaldu dute estatu kideek modu koordinatuan jarduteko beharrarekiko, har daitezkeen neurriak eraginkorrak izan daitezen.
"Berehalako" ekimen gisa, Kyriakidesek laginak sekuentziatzea proposatu du, aldaera berriak hauteman ahal izateko. Aldaera ezezagun bat agertuko balitz, "azkar erantzun" beharko litzateke, gaineratu duenez.
Gaixotasunak Prebenitzeko eta Kontrolatzeko Europako Zentroak (ECDC) ostiral honetan berretsi duenez, gaur egun Txinan dauden aldaerak "dagoeneko zirkulatzen ari dira" EBn eta, beraz, hasiera batean kasu gehiago agertzeak ez luke arriskuan jarriko Europako herritarrek aurretik duten "erantzun immunea".
Zure interesekoa izan daiteke
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.