Hiru gazte palestinar hil dira Zisjordanian, Israelgo Armadak tirokatu ostean
23 eta 24 urteko bi gazte palestinar hil dira gaur, larunbata, Zisjordaniako Jaba hiri okupatuan, Yenin hegoaldean, sarekada batean indar armatuei eraso egin ostean jasotako tiroen ondorioz. Bi gazte horiez gain, 19 urteko hirugarren palestinar bat hil da, duela bi aste Zisjordania iparraldean soldadu israeldarrekin izandako liskar armatu batean izandako zauriengatik.
Israelgo Armadak ohar baten bidez jakinarazi duenez, bere tropak "terrorismoaren aurkako jarduerak" egiten ari zirela, "susmagarri batzuek tiro egin zieten ibilgailu batetik". Horren aurrean, bozeramaile militar batek adierazi duenez, soldaduek tirokatu egin zituzten. Ondoren, ibilgailua miatu zieten eta M-16 errifle bat konfiskatu zuten. Tokiko hedabideen arabera, hildako gazteak Palestinako Jihad Islamikoaren Al Quds Brigadetako kideak ziren.
Gatazka etengabea
Zisjordania okupatua indarkeria-zurrunbilo baten erdian dago, pasa den martxoan Israelek "Olatua hautsi" izeneko operazioa abiatu zuenetik. Palestinarrek eta arabiarrek hainbat eraso egin ondotik ekin zion operazioari Israelgo indar armatuak.
Operazio hauek egunerokoan sarekadak egitean datza. Gauez izan ohi dira eta, batez ere, Yenin eta Nablus inguruan egiten dira –milizia palestinarren babeslekuak daude berton–. Sarekada horiek liskar armatuak eragiten dituzte, zeinetan pertsona andana hiltzen diren –sarritan zibilak–, eta hainbat palestinar atxilotzen dituzten terrorismoagatik susmagarriak izatea leporatuta.
Gaurko heriotzekin, guztira, urte hasieratik hamabi hildako eragin dituzte Israelgo Indar Armatuek lurralde palestinarrean, hiru adingabe horien artean. Osasun Ministerioaren arabera, 2006tik urterik hilgarriena izan da pasa den 2022a Zisjordaniako biztanleria palestinarrarentzat.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.