EBk Errusiaren aurkako hamargarren zigor sorta adostu du Ukrainaren inbasioagatik
Europar Batasunak Errusiaren aurkako hamargarren isun sorta onartu du bart, Ukrainaren inbasioa hasi zela urtebete bete denean, eta tartean jaso dituzte erabilera militarrerako teknologiari ezarritako betoa eta Moskuri droneak saltzen dizkien enpresa iraniarren aurkako neurriak.
"Gaur, Europar Batasunak Errusiaren aurkako hamargarren isun sorta onartu du" eta horrela "Ukrainari gerra irabazten lagunduko zaio", iragarri du Suediaren esku dagoen Europar Batasuneko Kontseiluak.
EB "Ukrainarekin eta ukrainarrekin dago", gaineratu du EBk, Kievi "behar duen denbora guztian" lagunduko diola hitzeman aurretik.
EBko estatuen arteko negoziazioak eten egin dira zenbait orduz Errusiatik inportatu ahal izango duten goma sintetikoaren kuotengatik, Poloniak murriztu egin nahi zituelako; baina azkenean adostasunera iritsi dira.
Adostutako isun sorta horretan jaso dituzte "bi erabileratako teknologiari" murrizketak jartzea, eta gerra babesten duten pertsona edo erakundeei eta "Errusiaren desinformazioari" aurre egitea, besteak beste.
"Guztiak aintzat hartuta, EBko estatuek sekula jarritako isun sendoenak eta zabalenak ezarri dituzte Ukrainari gerra irabazten laguntzeko", azpimarratu du EBk.
Hain zuzen ere, Errusiak militarki erabil ditzakeen 47 osagai elektronikori jarri diete betoa, eta aurreko isun sortetan jasotakoekin batera, borroka eremuan aurkitutako teknologia guztia debekatu du EBk, Ursula von der Leyen Europako Batzordeko presidenteak aurreratu zuen moduan.
Irango Guardia Iraultzailearekin lotutako zazpi enpresa ere zigortuko dituzte Moskuri Ukraina bonbardatzeko droneak emateagatik.
Gainera, ehun inguru enpresa eta pertsona errusiar zigortuko dituzte, tartean Armadako agintariak. Europar Batasunean dituzten ondasun eta aktibo guztiak izoztuko dizkiete eta ezingo dira EBn sartu.
Dena den, zigorrak formalki onartu beharko dira indarrean sartu baino lehenago, eta Bielorrusiaren aurkako beste batzuk hartzea aztertzen ari dira, Kremlini ematen ari den babesagatik.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.