Errusiak Txinarekin duen mendetasuna gero eta handiagoa da
Vladimir Putinek eta Xi Jinpingek hurbiltasun pertsonala erakutsi arren, Errusia eta Txinaren arteko harremanetan desoreka gero eta handiagoa da, hala azaltzen du Sören Urbanski historiagileak (Txina eta Errusiaren inguruan aditua, eta Berkeley Unibertsitatean Historia Instituto Alemaniarreko zuzendaria). Horrek maila geoestrategikoan Errusiaren egoera ahultzen du.
Txinako gobernuak, jarrera diplomatikoa zainduz, herrialde bien arteko harremanak kanpora begira maila berean daudela azaltzen du. Baina pandemiaren ondoren Xi buruzagiak atzerrira egindako lehen bidaia ez zen Errusiara izan, baizik eta Kazajistanera eta Uzbekistanera, eta Samarkandan Putinekin izandako bilera ondo zaindutako keinu diplomatikoa izan zen.
Urbanski adituaren arabera, erregimen autoritarioek ez dituzte aliantzak sortzen. Baina, kasu honetan, arlo geoestrategikoan interes bateratuak daude. Biek dituzte etsai berdinak, Mendebaldea, eta horrek hurbiltasuna sortzen diete. Inguruan erregimen autoritarioak bultsatu eta sortzeko ere interes berdina dute.
Txina eta Errusiaren artean sinergia ekonomikoa dago. Errusia lehengaien esportatzeile nagusia da, eta Txinak hori aprobetxatzen du gero eta gehiago. Errusiak Txinatik datozen produktu industrialengan duen dependentzia handituz doa, Mendebaldean ezin baititu erosi.
Ukrainako gerrak gehietu egin du harremanetan asimetria hori
Txinak modu masiboan erosten ditu lehengaiak, eta, Errusiak ez du horretarako merkatu alternatiborik. Joan den abuztuan soilik Txinak % 60 gehitu zituen petrolio eta gas errusiarraren erosketak, 2021ko hilabete berdinarekin parekatuz.
Txinak prezio merkean erosten ditu produktu horiek, eta horrela Mendebaldeari zigortzen dion inflazioa saihesten du. Merkatu txinarrean Errusiaren mendekotasun horrek beste arlo batzuetako negoziaketetan Moskuren jarrera ahultzen du, adibidez Asia Zentralean.
Arlo batzuetan Txina Ukrainako gerrarekin kaltetuta geratu da. Herrilde hau Pekinen merkataritza arloan sozio garrantzitsua zen, Txinak Ukrainako zereal esportazioen herena hartzen baitzuen. Gainera, Zetaren Bidean herrialde hau joan-etorrirako bide garrantzitsua zen.
Gerra honek gainera Txina jarrera bat hartzera behartzen du. Bere harreman ekonomikoak Mendebaldearekin askoz garrantzitsuagoak dira, Errusiarekin baino. Txina Mendebaldearengandik zigortua ez izaten sahaitzen ari da.
Beraz, zenbat eta gehiago iraun gerra honek, orduan eta zailagoa izango da Txinarentzat Mendebaldea eta Errusiaren artean maniobratzea. Zenbat eta gehiago luzatu gerra hau, zailagoa izango da Pekinentzat bateragarri egitea Mendebaldearekin dituen harreman ekonomikoak Errusiarekin dituen interes geoestrategikoekin.
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.