Nazioarteko Zigor Auzitegiak Putin atxilotzeko agindua eman du, Ukrainan egindako gerra krimenak egotzita
Nazioarteko Zigor Auzitegiak Vladimir Putin Errusiako presidentea atxilotzeko agindua eman du gaur, Ukrainan egindako gerra krimenen erantzulea izatea egotzita. Konkretuki, Ukrainako gerran harrapatutako eremuetatik Errusiako lurraldera haur ukrainarrak bortxaz deserriratzea leporatzen diote Putini.
Hala ere, nazioarteko auzitegiak Putin epaitzea ia ezinezkoa da hainbat arrazoirengatik: gorteak ezin ditu akusatuaren 'in absentia' auziak epaitu, Errusia 2016an erretiratu zen auzitegiarentzat legezko oinarri den Erromako Estatututik, eta Kremlinek ez du inolako asmorik ofizial errusiar bat ere gortera entregatzeko, behin baino gehiagotan errepikatu duen bezala.
Hala ere, gutxienez Putin inputatzeko gai da, ez baitu estatuburuentzako immunitatea onartzen gerra krimenen, gizateriaren aurkako krimenen edo genozidio kasuetan.
Nazioarteko auzitegiak Maria Alekseievna Lvova-Belova Errusiako Federazioko Haurren Eskubideen komisario presidentzialaren aurkako atxilotzeko agindua ere eman du, arrazoi beragatik.
Gorteak uste du Putinek "erantzukizun penal indibiduala" duela delitu horiengatik, dela "zuzenean" egiteagatik, dela "ekintzak egin zituzten mendeko zibilen eta militarren gainean kontrol egokia izateko" gai ez izateagatik.
Kremlinek etengabe gezurtatu du haur ukrainarrak indarrez erbesteratzen ari dela, Kievek eta bere aliatuek egindako salaketen aurrean. Ukrainako Gobernuaren arabera, gutxienez 16.000 haur beren borondatearen aurka Errusiara eraman dituzte gatazka hasi zenetik, eta Yaleko Unibertsitateak otsailean aurkeztu zuen ikerketa batek argitara eman zuen gutxienez 6.000 haur ukrainar 40 barnetegi errusiarretan banatuta daudela.
Gaurko atxilotze aginduak gatazka hasi zenetik aurkeztutako nazioarteko lehen karguak dira, eta Karim Khan Gorteko fiskalburuaren aginduetara dagoen ikerketa talde berezi baten lanaren ostean heldu dira. Horiek emateko, aurkeztutako frogen baliozkotasuna onartu behar izan du epaileen aurretiazko panel batek.
Errusiak "juridikoki baliogabetzat" jo du
Errusiak "juridikoki baliogabetzat" jo du Kremlineko burua atxilotzeko agindua. "Nazioarteko Auzitegitik atera daitezkeen atxiloketa-aginduak juridikoki baliogabeak izango dira guretzat", idatzi du Maria Zajarovak, Errusiako Atzerri Gaietarako bozeramaileak, Telegrameko bere kanalean.
Ildo beretik, Dmitri Peskov Kremlineko bozeramaileak "amorragarria" eta "onartezina" dela esan du.
Human Rights Watch (HRW) erakundeak, ostera, atxiloketa agindua txalotu du, "Errusiako indarrek 2014tik Ukrainan egindako krimenen biktima askorentzat egun handia delako". HRWk "lehen urratsa" ikusi du aginduan, "urteetan Ukrainako gatazka inguratu duen inpunitatearekin amaitzeko".
Era berean, Josep Borrell Europar Batasuneko Atzerri Politikarako goi-ordezkariak ere txalotu egin du atxilotzeko agindua, eta ziurtatu du hori "Errusiaren eta bere agintarien kontuak emateko prozesuaren hasiera" baino ez dela.
Borrellek adierazi du erabaki "garrantzitsua" dela nazioarteko justiziarentzat eta Ukrainako herriarentzat. "Ezin da inpunitaterik egon", gaineratu du.
Albiste gehiago mundua
Jende multzo baten kontra egin du auto batek Los Angelesen eta 30 zauritu utzi ditu, zazpi egoera kritikoan
Gutxienez 30 pertsona zauritu dira, horien artean zazpi egoera kritikoan eta sei larri, gaur goizaldean Los Angelesen (AEB), auto batek harrapatuta. Poliziaren bozeramaileak jakinarazi duenez, ibilgailu bat 02:00ak aldera (11:00ak Euskal Herrian) The Vermont Hollywood kontzertu-aretora sartzeko zain zegoen jendearen kontra joan da. Ustezko erasotzaileak, jatorri hispaniarreko gizon batek, hainbat pertsonarekin eztabaidatu zuen Vermont Hollywood barruan, eta, ondoren, lokaletik atera zen eta "arrazoiren batengatik, espaloian jendea harrapatzea erabaki zuen", esan du Horacio Aguirre Los Angeleseko Polizia Departamentuko sarjentuak The Washington Post egunkarian.
Israelek 48 pertsona hil ditu Gazan, horietatik 32 elikagaia banatzeko puntu batera iritsi nahian zebiltzanak
Tropek banaketa puntua inguratu eta bertara iritsi nahian zebiltzan milaka palestinarren aurka tiroka hasi dira soldadauk, lekukoen eta tokiko iturrien arabera.
AEBk El Salvadorrera deportatutako 252 preso Venezuelara bueltan dira
Trukean, Venezuelak 10 preso estatubatuar eman dizkio AEBri. Maduroren Gobernuak eskerrak eman dizkio Jose Luis Rodriguez Zapatero Espainiako Gobernuko presidente ohiari egin dituen bitartekaritza lanengatik, eta Donald Trump AEBko presidenteari, "egoera guztiz irregular hau zuzentzeko erabakiagatik".
Brasilgo Justiziak Bolsonarori orkatilako elektroniko bat jarri dio haren mugimenduak kontrolatzeko, Trumpen mehatxuei aurre eginez
Erabakia Alexandre de Moraes epaileak hartu du. Bolsonarori "justizia oztopatzea" egotzi dio. Era berean, epailearen ahotan, buruzagi ohi ultraeskuindarrak "atzerriko gobernu bat Brasilen aurka egitea eskatu, bultzatu eta lagundu du".
Tomorrowlandek agertoki nagusi berri batekin ireki ditu ateak
Eszenatoki berria sugarrek kiskali zuten jatorrizko eszenatokiaren hezurdura suntsituaren aurrean jarri dute. Oraindik ez da ezagutzen sutearen arrazoia, baina zenbait hedabideren arabera, sua hasi aurretik su artifizialak entzun ziren.
Salvini berriro epaituko dute, errefuxiatuz betetako Open Arms ontzia 2019an Lampedusan porturatzea eragozteagatik
Salvinik, orduko Barne ministroak, Open Arms itsasontzi batek erreskatatutako 147 migratzaile lehorreratzea galarazi zuen 20 egunez. Palermoko auzitegi batek botere-abusu eta askatasun-gabetze karguetatik absolbitu zuen orduko Barne ministroa 2024an.
Poliziak Bolsonaroren etxea miatu du eta AEBetako Gobernuarekin maniobrak egitea leporatu dio, Brasil zigortzeko
Brasilgo Poliziaren arabera, Jair Bolsonaro Brasilgo presidente ohiak eta haren seme Eduardok Estatu Batuetako Gobernuarekin maniobrak egin dituzte azken hilabeteetan, "Brasilgo Estatuko agente publikoei" zigorrak ezartzeko eta Gorte Gorena buruzagi ultraren aurkako epaiketa artxibatzera behartzeko.
Etxe Zuriak Maurene Comeyren, Jeffrey Epstein auzipetu zuen fiskalaren, kargugabetzea baieztatu du
Bestalde, Comeyk "arrazoirik gabe" kaleratu dutela salatu du, eta Donald Trump AEBko presidenteari egindako akusazioan, "beldurra tirano baten tresna" dela adierazi du.
Gainpopulazioa Europako kartzeletan
Kontseilu Europarrak kontinenteko espetxeetako masifikazioari buruz ohartarazi du; izan ere, badira plaza erabilgarriak baino preso gehiago dituzten herrialdeak.
Israelek 500 pertsona baino gehiago hil ditu azken bost egunetan Gazan
Gaur goizean bertan, Israelek gutxienez hiru pertsona hil ditu Gazan dagoen parrokia katoliko bakarraren aurka egindako bonbardaketan. Eliza ehunka errefuxiaturen babeslekua da.