Credit Suisse ia amildegira eraman duten eskandaluak
Kokaina, Japoniako mafia, ustelkeria Afrikan, espioitza eta zerga iruzurra ez ohi dira banku arruntekin lotzen diren gaiak. Hala ere, Credit Suisse bankuaren kasuan gai hauei lotutako eskandaluak maiz agertu dira bere ibilbidean zehar.
Credit Suisse 1856an sortu zen. Harrez gero banku honek bizi izan dituen ekintza susmagarriak hainbat izan dira, batez ere azken urte hauetan. 80ko hamarkadaren amaieran banku honi leporatu ziotenez, Ferdinand Marcos Filipinetako diktadoreari dirutza ezkutatzen lagundu zion. Hori dela eta, 1995an, Zurich-ko auzitegi batek 500 miloi dolar Filipinetako herriari itzultzera zigortu zuen Credit Suisse, The Guardian egunkariak gogoratzen duenez.
Banku honek Nigerian Sana Abacha diktadoreak 90ko hamarkadako agintaldian lapurtutako dirua ezkutatu zuen. Diktadoreei laguntzen ez zienean Credit Suissek Japoniako mafiako "yakuzas" kideei laguntzen zien. Bere bankari batek 5.000 miloi yen, gutxi gorabehera (38 moloi euro, 2004ko truke tasan) zuritzen lagundu zien, baina Credit Suisseko bankari hau errugabetzat jo zuen Japoniako auzitegi batek. Errugabetze horren arrazoia, ez zekiela dirutza horren jatorria zein zen.
XXI. mendeko lehen hamarkadan zehar ere zerga iruzurrari lotutako hainbat eskandaluk astindu zuten banku hau, bai Italian, bai Alemanian edo baita ere Estatu Batuetan. 2014. Estatu Batuetako justiziak inoiz ezarritako isunik handiena jarri zion, 2.600 miloi dolar, milaka zergapekori beren dirutza Suitzan ezkutatzera bultzatu zituelako .
Bere bezero ezagunetako batzuk hartutako tratuagatik kexatu ere egin ziren. Hau izan zen Bidzina Ivanichvili, Georgiako lehen ministro ohiaren kasua. Honek 2018an bere dirua galtzeaz salatu zuen Credit Suisse. Bankuak ostera bere enplegatu bati leporatu zion errua, Georgiako buruzagiaren sinadura faltsifikatu omen zuela, gero burtsan bere diruarekin jokatzeko. Bankariak bere buruarekin beste egin zuen 2020an. Bi urte geroago Bermudas-ko auzitegi batek Bidzina Ivanichviliri 500 miloi dolar baino gehiago ordaintzera zigortu zuen Credit Suisse.
Baina oraindik txarrena heltzear zegoen. 2019 eta 2020 bitartean Credit Suisse "bere historiako unerik txarrenetatik igaro zen", Financial Times egunkariaren arabera. Bankuak bere bi zuzendari exekutibo galdu zituen. Lehenengoak, Tidjiane Thiam, 2020an dimititu egin behar izan zuen, bankuko enplegatuei espiatzeagatik. Ondoren, bankua zuzentzeko etorritako Antonio Horta-Osorio Portugalko bankari ospetsuak dimititu behar izan zuen, osasun arauak ez zituelako bere Covid-19ko pandemiaren konfinamendu garian.
Gainera bankuari 2020an leporatu ziotenez, kontrol arauak ez zituen behar bezala bete, eta ondorioz Bulgariako droga kartel bat finantziatu zuen. Bi urte geroago kasu honengatik auziperatutako lehen bankua izan zen Credit Suisse.
Bata bestearen atzeko eskandalu hauek bankuaren izan ona kaltetu dute, eta ondorioz bezero aberats askok Credit Suiss utzi dute. Duela hilabete batzuk, bere arduradun batzuk euren errua aitortu zuten eta gauzak aldatzeko denbora eskatu zuten. Baina une honetan juxtu denbora da Credit Suissek ez daukana, SVB-en porrotarenekin dena azkar baitoa.
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.