Bere aurkako 37 kargu federalen "erruduna ez" dela adierazi du Trumpek epailearen aurrean
Donald Trump AEBko presidente ohiak Miamiko auzitegi federal batean bere aurka aurkeztutako kargu federalen "erruduna ez" dela adierazi du gaur, Etxe Zuria utzi ostean Floridako bere etxean dokumentu sekretuak atxiki eta ezkutatzeagatik inputatu eta deklaratzera deitu ostean.
Trump, akusazio federal bati aurre egin dion AEBko lehen presidente eta presidente ohia, Jonathan Goodman epaile federalaren aurrera joan da gaur, eta Mar-a-Lagon, Floridako hegoaldean, agiri sekretuak gordetzeagatik epaimahaiak inputatutako 37 karguak jakinarazi dizkio.
Jack Smith fiskal berezia buru duen akusazioa Joe Biden AEBko presidente demokratak egindako "sorgin-ehiza" bati egotzi dio agintari ohiak, eta "hauteskundeetan eragiteko kanpaina bat" dagoela salatu du, gaur Truth sare sozialean errepikatu duenez.
AEBko presidente ohia 37 kargu egotzita fitxatu eta auzipetu ostean atera da Miamiko auzitegi federalen egoitzatik. Trumpen abokatuek epaiketa zinpeko epaimahaia erabiliz egiteko eskatu dute. AEBko agintari ohiak ez du hitz egin, eta besoak gurutzatuta eduki ditu denbora guztian.
Hatz-markak eta argazkiak hartuta fitxatu dute Trump, eta Jonathan Goodman epaile federalaren aurrera eraman dute gero. Egozten dizkioten 37 karguak ez dituzte osorik irakurri, abokatuek esan baitute ez zela beharrezkoa, karguak ezagutzen zituztelako.
Auzitegira iritsi denean, Trumpek eraikinaren aurrean ordu luzez zain izan dituen kamera eta jarraitzaile ugari saihestu ditu. Protokoloak dioen bezala, gorteko sheriffek atxilotu dute presidente ohia.
Buruzagi ohia eraikineko ateen atzean desagertu eta gutxira, segurtasun-indarrek Trumpen jarraitzaile bat atxiki dute. Ameriketako Estatu Batuetako banderak zeramatzaten jarraitzaile askoren artean polizia-hesia gainditzen saiatu da, NBC News kateak jaso duenez.
Trumpen ordezkariak Todd Blanche abokatua eta Chris Kise Floridako fiskal nagusi ohia dira. Goodmanek irakurri ditu karguak, baina Aileen Cannon (Trumpek izendatutako epailea) ari da kasua zuzentzen.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".