Trump inputatu dute dokumentu sailkatuen auzian
Donald Trump Ameriketako Estau Batuetako (AEB) presidente ohia (2017-2021) inputatu dute, kargu federalak egotzita, dokumentu sailkatuei buruzko ikerketa baten baitan, Trumpek berak sare sozialetan ziurtatu duenez. Lehen aldiz inputatu dute bertan agintari ohi bat kargu federalak egotzita.
Ildo horretatik, Trumpek salatu du bere kontrako jazarpena dagoela herrialdean, eta demokratek AEBko hauteskundeetan esku hartu nahi dutela. "Ez nuen uste AEBko presidente ohi bati horrelakorik gerta zekiokeenik, gure herrialdeko historian beste edozein presidentek baino boto gehiago jaso nituela gogoan izanda", esan du Trumpek Truth Social sare sozialean idatzitako mezu batean, eta "errugabea" dela azpimarratu du.
Hain zuzen ere, Trumpi zazpi delitu federal inputatu dizkiote Miamin, tartean, AEBko Gobernuaren instalazioetan soilik egon behar duten dokumentu sailkatuak eta sekretuak legez kanpo atxikitzeagatik, justizia oztopatzeagatik eta konspiratzeagatik, tokiko hedabideek jakitera eman dutenez.
AEBko presidente ohiak bere sare sozialetan azaldu duenez, Miamiko Auzitegi Federalean agertzeko deitu dute datorren asteartean, bertan 15:00ak direnean.
Dena dela, epaileak igorritako dokumentu judiziala ez da oraindik ofizialki ezagutzera eman, eta AEBko Justizia Departamentuak ez du aipamenik egin nahi izan kasu horri buruz. Truth Socialen argitaratutako bideo batean, Trumpek AEBko Justizia Departamentua eta FBI kritikatu ditu, eta egungo gobernuak horiek instrumentalizatzen dituela salatu.
"Hauteskunde-interferentzia deritzogu horri; izan ere, nire ospe onari kalte egiten saiatzen ari dira AEBko hauteskundeak irabazi ahal izateko (...) Nire kontra doaz, inkestetan aurrena agertzen naizelako", esan du.
Trump kargu kriminalei aurre egingo dien AEBko lehen presidente ohia da. Apirilean, New Yorkeko epaimahai batek 34 delitu leporatu zizkion politikari errepublikanoari, AEBko Presidentetzarako 2016ko hauteskunde-kanpainan Stormy Daniels aktoreari egindako ordainketa batzuengatik.
Ostegun honetako inputazioa Jack Smith fiskalak zuzentzen duen ikerketaren ondorio da, FBIk Trumpen Floridako etxean topatu zituen ehunka dokumentu sailkatu legez kanpo izatea egotzi baitio.
Testuinguru horretan, AEBko Justizia Departamentuak Etxe Zuriko presidente ohiaren hainbat senide eta funtzionario ohi deitu ditu, epailearen aurrean deklaratzeko ikerketa horren baitan.
Merrick Garland fiskal nagusiak azaroan eman zion auzi honen ardura Smith fiskalari. 2021eko urtarrilaren 6an Kapitolioaren kontrako erasoan Trumpek izan zuen parte-hartzea ere ikertzen ari da.
Zure interesekoa izan daiteke
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskunde partzialetan lortutako garaipenak Alderdi Laboristaren buruzagitza eskuratzeko eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.