HEGO KOREA
Gorde
Kendu nire zerrendatik

Gutxienez 12 pertsona zauritu dira, hiru larri, gizon batek Seulen arma zuri batekin egindako erasoan

Merkataritza-gune baten ondoan izan da erasoa, eta bertako Poliziaren arabera, bereizi gabe eginikoa izan da. Uztailaren 21ean ere, antzeko beste gertakari bat izan zen Seul hego-ekialdean. Orduko hartan, gizonezko batek kale erdian hainbat oinezko sastakatu zituen, eta horietako bat hil egin zen.

Gutxienez 12 pertsona zauritu dira gaur Seul hegoaldean (Hego Korea) izan den erasoan. Gizonezko batek arma zuri batekin kalean zeuden oinezkoak erasotu ditu bereizi gabe. Zaurituetako hiru oso larri daude.

Merkataritza-gune baten eta Seohyeongo metro-geltokiaren alboan izan da erasoa, egun argiz, han 18:00ak zirenean (Euskal Herrian, 09:00ak). Yonhap berri-agentziak zabaldu duenez, larrialdi zerbitzuek abisua jaso ondoren, segurtasun indarrak erasoaren tokira bertaratu dira eta handik gertu atxilotu dute ustezko erasotzailea, ihes egiten saiatu den arren.

Uztailaren 21ean ere, antzeko beste gertakari bat izan zen Seul hego-ekialdean. Orduko hartan, gizonezko batek kale erdian hainbat oinezko sastakatu zituen, eta horietako bat hil egin zen.

Zure interesekoa izan daiteke

FOTODELDIA GAZA, 20/08/2026.- La población gazatí celebró este jueves un funeral masivo de 50 personas que murieron como resultado de la ofensiva israelí contra la Franja, entre ellas 19 niños y menores de edad, que fueron enterradas en un cementerio próximo al Hospital Shifa de la norteña ciudad de Gaza. EFE/MOHAMMED SABER
18:00 - 20:00
ZUZENEAN
Duela  min.

Israelek 2023an hil zituen 50 pertsonen gorpuzkiak lurperatu dituzte Gazan

Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.

Gehiago ikusi
Publizitatea
X