Italiako Gobernuak % 40ko zerga jarriko die banketxeen aparteko etekinei
Banketxeei % 40ko aparteko zerga ezarriko diela iragarri du Italiako Gobernuak. Interes tasen igoerak tarteko, etekin handiak izaten ari dira Italiako banketxeak, eta aparteko etekin horiek zergapetzea ebatzi du Gobernuak, "berdintasun soziala" bultzatzeko neurri gisa.
Zerga 2022 eta 2023. urtetara mugatuko dute, eta ordaindu beharrekoak ez du finantza-erakundearen ondare garbiaren % 25 gaindituko. Bildutako dirua "hipoteka duten herritarrei eta enpresei laguntzeko eta herritarren karga fiskala murrizteko" erabiliko dutela zehaztu du Meloniren exekutiboak.
Oporren aurreko azken ministroen kontseiluan, astelehenean, ezustean, hartu zuen erabakia Italiako Gobernuak. Nabarmendu duenez, 2022an izandako irabaziak "2021eko zerga ekitaldian jasotakoa baino % 5etik gorakoak" direnean aktibatuko da tasa, eta portzentaje hori % 10ekoa izango da 2023ko zerga aplikatzeko orduan.
Iragarpenak ustekabean harrapatu zituen finantza-erakundeak, eta Milango Burtsa hondoratzea eragin zuen. Astearteko saioan, % 2,2 egin zuen atzera, eta 27.710 milioi euro galdu zituen. Banketxeek ia 9.000 milioi euroko galera izan zuten, Il Sole 24 Ore egunkari ekonomikoaren esanetan.
Hedabide horretako adituek egindako kalkuluen arabera, Gobernuak 2.500 milioi euro bil litzake Italiako sei banketxe handienen eskutik.
Zenbaki gorriak ikusita, zuzenketa egin behar izan du Georgia Meloni buruzagi ultraeskuindarraren gobernuak. Atzo iluntzean jakinarazi zuenez, zerga berriari muga jarriko dio. "Ekarpenak ezingo du aktibo guztien % 0,1 gainditu, finantza-erakundeen egonkortasuna babestu aldera", adierazi zuen Ekonomia Ministerioak. Horren arabera, zerga berria "Europako beste herrialdeetan jada aplikatzen diren tasen antzekoa da".
Neurriaren berri izan eta berehala, zuhurtziaz agertu zen Italiako Bankuen Federazio Autonomoak: "Sektorean izango duen eragina aztertzen ari gara. Argiago dugunean (dekretuaren letra txikia oraindik ez da ezagutzen) zehaztuko dugu gure jarrera".
Italiako hedabideen hitzetan, banketxe txikienei nola eragingo dien ere da kezka iturri. % 40ko zergak horietako batzuk hondoratzea ekar lezake, baina Italiako sei banketxe handienek (Intesa Sanpaolo, Unicredit, BPM, MPS eta BPER) gutxiago nabarituko dute; izan ere, urteko lehen seihilekoan, 10.500 milioi euroko irabaziak izan zituzten, 2022an halako bi pasatxo.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.