Sanchezek baieztatu du Hamasek Ivan Illarramendi bahituta duela
Pedro Sanchez Espainiako Gobernuko jarduneko presidenteak baieztatu egin du Ivan Illarramendi bilbotarra bahituta duela Hamasek, eta hura aske uztea eskatu du.
Sanchezek agerraldia egin du Moncloa Jauregian, Israelen eta Hamasen arteko gerra aztertzeko Europar Batasunak bideokonferentziaz egindako goi-bileraren ostean.
Agintariak azpimarratu du beharrezkoa dela bi estatuak (Israel eta Palestina) aintzatestea gatazkari konponbidea emateko, eta Mediterraneoaren Aldeko Batasuna eskaini du eztabaida-foro gisa, bi aldeek negoziatzeko.
Aldez aurretik, Israelgo Atzerri Ministerioak Espainiako bandera sartu du urriaren 7ko erasotik bahituta dauden pertsonen nazionalitateari buruzko mezu batean; horrela, Ivan Illarramendi bilbotarra Hamasen esku dagoela baieztatu du.
Jose Manuel Albares Espainiako jarduneko Atzerri ministroak iragarri zuenez, Espainiako nazionalitatea zuten bi pertsona izan ziren Hamasen erasoan "kaltetuta". Ondoren, Espainiako Gobernuak baieztatu zuen horietako bat, Maya Villalobo, hilda zegoela. Bestea Illarramendi zen, eta, beraz, mezuan Espainiako bandera sartuta, Israelek bahituta dagoela berretsi du.
Israelgo Gobernuak azpimarratu duenez, "gaur egun 40 herrialde baino gehiagoko atzerritarrak daude Hamasek bahituta". "Guraso, seme-alaba eta gizaki gisa, eskatzen dizuegu beren istorioak partekatzeko, etxera ekartzen laguntzeko", gehitu du.
Euskal herritarraren familiak ez du bere berririk, baina, gertuko senide batek EITB Mediari azaldu dionez, itxaropen izpi berri bat du, Israelgo Ministerioak argitaratutako bideoa dela eta.
Illarramendi emaztearekin zegoen Kissufim kibbutzean, Gazako Zerrendaren mugatik gertu, Hamaseko milizianoek kubbutz horri eraso ziotenean.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.