Gutxienez 145 pertsona hil dira Gaza iparraldeko errefuxiatu-eremu batean, Israelen aire-eraso baten ondorioz
Israelgo aireko eraso batek gutxienez 145 hildako eta beste horrenbeste zauritu eragin ditu Gazako Zerrendako iparraldean dagoen Jabalia inguruneko errefuxiatuen kanpaleku batean, iturri palestinarrek jakitera eman dutenez.
Gazako Osasun Ministerioak ohar baten bidez jakinarazitakoaren arabera, ehunka biktima (hildakoak eta zaurituak) eraman dituzte Gazako Indonesiako Ospitalera, Jabalia inguruko etxebizitzen aurka Israelek egindako aire-erasoaren ostean. Ospitaleko iturriek esan dute 145 hildako eta beste hainbeste zauritu daudela.
Israelek bere gain hartu ditu aire-eraso horiek, eta bonbardaketa horiekin Hamaseko "ehunka miliziano" hil dituela gaineratu du.
Bestetik, egunean zehar, liskar gogorrak izan dira Gazako Zerrendaren iparraldean Israelgo lurreko indarren eta Hamasen beso armatua den Qasam Brigadetako milizianoen artean.
Daniel Hagari Israelgo Defentsa Indarren bozeramailearen hitzetan, "une honetan" soldaduak "borroka latzak" izaten ari dira Gazan "terroristak desagerrarazteko".
"Borrokatzeko modu horrek arriskuan jartzen ditu gure indarrak; konplexua eta kritikoa da", esan du Hagarik prentsaurrekoan, eta "erresilientzia eta pazientzia" eskatu ditu.
Bestalde, Qasam Brigadek sare sozialetan adierazi dutenez, gaur talkak izan dira Gazako ipar-mendebaldean, eta Israelen bi gurdi blindatu izan dituzte koheteekin egindako erasoen jomuga.
Halaber, Zerrendaren iparraldean, Al Tauam eremuan, Israelgo ibilgailuen aurka tiro egin dutela adierazi dute.
Informazio horiek ezin izan dira modu independentean egiaztatu, bi aldeek kazetarien sarbideari ezartzen dizkioten murrizketak direla eta.
Astearte honetan, Israelen eta Hamasen arteko gerraren hogeita bosgarren eguna bete da, urriaren 7an Palestinako talde islamistak Israeli eraso egin ostean. 1.400 hildako eta 5.400 zauritu baino gehiago utzi zituen erasoaldi hark, eta 240 pertsona bahitu, eta Gazara eraman zituzten.
Horren ostean, Israelek egunero bonbardatu du Zerrenda, eta ostiralean lurreko operazioak zabaldu zituen inguru horretan; gerrak orain arte 8.300 palestinar hil eta 21.000 baino gehiago zauritu ditu.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.