Unicefek, MOEk eta NBEko Biztanleria Funtsak Gazako "ospitaleen aurkako erasoak" salatu dituzte
NBEko hainbat agentziak "premiazko nazioarteko ekintza" bat eskatu dute, Israelek Gazako Zerrendan egindako erasoaldi militarraren baitan ospitaleen aurka egindako "erasoei" erantzuteko.
Haurren Laguntzarako Nazio Batuen Funtseko (Unicef), Munduko Osasun Erakundeko (MOE) eta sexu- eta ugalketa-osasunean diharduen Nazio Batuen Biztanleria Funtseko (FPNU) eskualdeko zuzendariak "izututa" agertu dira Gazako hildakoei buruzko informazioengatik.
MOEk, bereziki, 137 eraso baieztatu ditu Gazako osasun-zerbitzuen aurka. Baieztatu ahal izan duenez, horien ondorioz 521 pertsona hil dira, eta 686 zauritu dira; hildako horietatik 16 osasun-langileak ziren, baita zaurituetako 38 ere. "Mundua ezin da isilik egon, leku seguruak izan beharko luketen ospitaleak heriotza-, suntsipen- eta etsipen-agertoki bihurtzen diren bitartean", argudiatu dute eskualdeko zuzendariek.
"Instalazio mediko eta zibilen aurkako erasoak onartezinak dira, Nazioarteko Zuzenbidea urratzen dute. (...) Arreta medikoa eskatzeko eskubidea ez litzateke inoiz ukatu behar, batez ere krisi garaietan", ohartarazi dute.
Horregatik guztiagatik, "nazioarteko ekintza irmoa" eskatu dute, "berehalako su-eten humanitarioa" bermatzeko, heriotza gehiago saihesteko eta "Gazako osasun-sistematik geratzen dena babesteko".
Tedros Adhanom Ghebreyesus MOEko zuzendari nagusia kezkatuta agertu da Al Shifa Ospitaleko langileen eta pazienteen segurtasunagatik. Ospitale hori Gazako Zerrendako garrantzitsuena da, eta pazienteak hiltzen ari dira ezinezkoa delako ebakuntzak egitea sorgailu elektrikoak elikatzen dituen erregai faltagatik. Ospitale horretan Zainketa Intentsiboetako Unitateko inkubagailuetan zeuden bi haurtxo hil dira larunbat honetan, osasun-zentroko inkubagailuak elikatzeko argindar faltagatik.
Ospitaleetan "indarrak kontrolatzeko" eskatu dio Israeli EBk
Josep Borrell EBko Atzerri Politikako goi-ordezkariak Gazako Zerrendako ospitaleetako eraso eta borrokei erantzuteko "indarraka ahalik eta gehien kontrolatzeko" eskatu dio Israeli.
"Nazioarteko Zuzenbide Humanitarioak ospitaleak, hornidura medikoak eta ospitaleetako zibilak babestu behar direla ezartzen du (...). Testuinguru horretan, Israeli eskatzen diogu indarrei ahalik eta zorrotzen eusteko, zibilen babesa bermatzeko", adierazi du Borrellek ohar ofizial batean.
Gainera, Hamasek "ospitaleak eta zibilak giza ezkutu gisa erabiltzea" gaitzetsi du Borrellek. "Zibilek borroka eremutik alde egiteko aukera izan behar dute. Liskar horiek eragin larria izaten ari dira ospitaleetan, eta biktima kopuru ikaragarria eragiten ari dira, zibilak eta medikuak asko".
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.