Israelek 700 palestinar baino gehiago hil ditu 24 orduan Gazako Zerrendan
Israelgo Armadak 700 palestinar baino gehiago hil ditu 24 orduan Gazako Zerrendan, Hamasek jakinarazi duenez. Horren aurrean, talde islamistak esan duenez, "ez da preso trukerik izango erasoaldia amaitzen ez den eta behin betiko su-etenik ez dagoen bitartean".
"Egun ez dago su-etenerako negoziaziorik. Ez da preso trukerik izango erasoaldia amaitzen ez den eta behin betiko su-etenik ez dagoen bitartean", adierazi du Sale al Aruri Hamaseko bigarrenak Al-Jazira komunikabidean.
Israelgo Armadak areagotu egin ditu bonbardaketak Gazako Zerrendaren hegoaldean, Khan Yunisen, eta Libanotik eta Siriatik egindako erasoei erantzun die. Hamasek, berriz, koheteak jaurti ditu Tel Avivera, su-etena amaitu denetik lehenengo aldiz.
Avichai Adree Israelgo Armadaren bozeramaileak etxetik alde egiteko eskatu die Al Mahatta, Al Katiba, Hamad, Al Satar, Bani Suhaila eta Maan udaletako bizilagunei, "ekintza gogorrak" egingo dituztelako bertan "Hamasen eta beste erakunde terroristen aurka".
Bestalde, Israelgo Armadak salatu du Siriatik eraso diotela, baina eraso horri artilleriarekin erantzun diotela erantsi du. Horren arabera, atzo Israeldik koheteak jaurti zituzten Damasko hiriburuaren ingurura, eta Iranek esan du Guardia Iraultzailearen bi aholkulari hil zituztela.
"Israelgo Defentsa Indarrek Libanoko zenbait guneri eraso diete artilleria erabiliz", gaineratu du Israelgo Armadak, Hezbollahko miliziekin izaten ari diren borrokaldiei erreferentzia eginez.
Bestalde, Ezzeldin al Qasam Hamasen adar armatuak koheteak jaurti ditu Tel Avivera, su-etena amaitu zenetik lehen aldiz. Israelgo komunikabideen arabera, dozena bat kohete izan dira, eta pertsona bat zauritu dute Holonen.
Zure interesekoa izan daiteke
Kongoko Errepublika Demokratikoaren barruan ebola-agerraldiak eragindako arriskua "oso altua" dela ohartarazi du orain OMEk
Mundu mailan, arriskua "baxua" da, baina Bundibugyo izeneko birusaren aldaera ezezagun samar batek eragindako izurrite baten arriskuaz ohartarazten du, ez baitago ez tratamendurik ez txertorik.
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute