Hezbolak ohartarazi du "mugarik gabe" borrokatuko dutela Israelen aurka, hark gerra hasten badu
Hasan Nasrala Hezbola talde xiitako buruzagiaren hitzetan, Libanoko subiranotasunaren urraketa "nabarmena" izan da Saleh al Arouri Hamaseko bigarrenaren hilketa, eta ohartarazi du "mugarik gabe" borrokatuko dutela Israelen aurka, hark Libanoren aurkako gerra hasten badu.
"Sheij Saleh al Arouriren hilketa Libanoko subiranotasunaren kontrako eraso nabarmena da", salatu du Nasralak, telebistan emandako hitzaldi batean, astearte arratsaldean Israelgo drone batek Hamaseko goi-karguduna eta beste sei pertsona hil ostean, Hezbolako gotorleku batean.
Hezbolak eta Estatu sionistak 2006an izandako gerratik Israelek Libanoko hiriburuaren kanpoaldean egindako lehen erasoa izan da. Talde xiitaren aliatu den mugimendu islamista palestinarraren bulego bat eta handik gertu aparkatutako ibilgailuak izan zituen helburu.
Elizgizonak ohartarazi duenez, astearte arratsaldean gertatutakoa "oso serioa" izan zen, eta aldi bereko bi "erasotzat" jo du, bat eraildako Hamaseko buruzagien aurkakoa eta bestea alderdiak kontrolatutako "hegoaldeko eremuen" kontrakoa.
"Orain arte frontean ari gara kalkulu zehatzekin borrokan, eta, beraz, prezio altua ordaintzen dugu gure gazteen bizitzekin. Etsaiak Libanoren aurkako gerra hasten badu, gure borrokak ez du sabairik, mugarik, araurik eta kontrolik izango", adierazi du Nasralak.
Gainera, Hezbolak eta Yemengo matxino hutiek, Iranen aliatuek, 100 pertsona inguru hil dituzten eraso "gorrotagarri" eta "traidoreak" gaitzetsi dituzte, eta doluminak eman dizkiete Errepublika Islamikoko gobernuari eta atentatuaren biktimei.
Nasralak adierazi duenez, mugimendu xiitak "Kermanen izandako atentatu traidorea eta Soleimani martiriaren santutegian (Qassem) zeudenen aurkako erasoa gaitzesten ditu".
Nasralak ostiral honetan hitz egingo du berriro, Libano eskualdean bigarren fronte bilakatzeko beldurrak hazten ari diren bitartean.
Bestalde, hutien bulego politikoak agiri bat bidali du eraso "gorrotagarria" gaitzesteko. "Krimen arbuiagarri hau Errepublika Islamikoari kalte egiteko egin diren krimen guztien hedapen bat da, eta harrokeria globalari aurre egiten, fededunen kausa defendatzen eta Palestinan eta Libanon erresistentzia indarrak babeste ari denean", gaineratu dute.
Bitartean, Gazan egunero ehunka biktima zibil pilatzen ari dira Israelen erasoaldi militarrean. Palestinako Zerrendako Osasun Ministerioak Israelgo Armadaren "sarraski" gehiago salatu ditu asteazken honetan: 128 hildako eta 261 zauritu, erasoaldiaren 89. egunean.
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.