Ia 100 hildako Iranen, Soleimaniren hilobitik gertu izandako bi leherketetan
100 pertsona inguru hil dira asteazken honetan Iranen, Kerman hiriko hilerri batetik gertu izan diren bi leherketen ondorioz. Bertan, AEBk Iraken hil zuten Qasem Soleimani, Guardia Iraultzailearen Quds Indarraren burua, dago lurperatuta.
Irango agentzia ofizialak IRNAk jakinarazi duenez, hildakoen kopurua 95koa da momentuz. Leherketak, gainera, 140 zauritu inguru utzi ditu. Ez dute baztertzen hildakoen kopuruak gora egitea ondorengo orduetan.
Agentzia honen arabera, lehenengo leherketa Soleimaniren hilobitik 700 metrora gertatu da. Ondoren, bigarren bat izan da handik kilometro batera. Soleimaniren heriotzaren laugarren urteurrena ospatzeko ekitaldia egiten ari ziren bertan eta ingurua jendez beteta zegoen.
Irango agintariek ekintza terroristatzat hartu dituzte leherketak.
Segurtasun-indarren presentzia areagotu egin dute leherketaren eremuan. Horrez gainera, anbulantzia ugari gerturatu dira bertara biktimak artatzera eta zaurituak hiriko ospitaleetara eramatera.
Egunotan milaka pertsona bildu dira Kerman hirian 2020ko urtarrilaren 3an AEBetako indarrek droneekin egin zuten erasoan hil zen Qasem Soleimani omentzeko. Eraso hartan Abu Mahdi al Muhandis ere hil zen, garai hartan Herri Mobilizazioko Indarren taldeko (Iranek babestutako milizia irakiarren koalizioa) bigarrena zena.
Soleimaniren heriotzagatik, 50.000 milioi dolar (46.000 milioi euro baino gehiago) ordaintzera zigortu zituen Irango auzitegi batek joan zen abenduaren 6an Ameriketako Estatu Batuetako Gobernua eta beste erakunde eta norbanako batzuk, tartean, baita Donald Trump presidente ohia ere.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.