Hungariaren betoa gaindituta, EBko buruzagiek aho batez adostu dute Ukrainarentzat 50.000 milioiko laguntza
Europar Batasuneko estatuburu eta gobernuburuek aho batez adostu dute gaur, ostegunarekin, Ukrainari 50.000 milioi euroko diru laguntza ematea. Hurrengo lau urteetarako onartutako aurrekontutik bideratuko dute laguntza, hain zuzen ere.
"27 estatuek adostu dute, EBren aurrekontutik, Ukrainari 50.000 milioi euro ematea", aurreratu du Europako Kontseiluko presidente Charles Michelek X sare sozialaren bidez argitaratutako mezuan.
"Segur aski, epe luzera finantzazio egonkorra bermatzen du honek. Ukrainari laguntzeko lidergoa eta ardura bere gain hartu ditu EBk; badakigu zer dagoen jokoan", erantsi du.
Goi-bilera hasi eta minutu gutxira heldu da Michelen mezua. Aurretik, Emmanuel Macron (Frantzia), Olaf Scholz (Alemania) eta Giorgia Meloni (Italia) Orbanekin bildu dira, blokeoari irtenbide bat bilatze aldera.
Akordioaren hari-muturrak ezagutu baino lehenago, Hungariako lehen ministro Viktor Orbanek urtero Ukrainaren laguntza baloratzeko bitartekoak eskatu ditu, 2027ra arte itxitako plan bat bada ere. Horrekin lortu nahi zuen azterketa bakoitzean beto aukera izatea, gainerako bazkideek begi onez ikusi ez badute ere.
Volodímir Zelenski Ukrainako presidenteak akordioa ospatu du. "Eskerrak eman nahi dizkiet Charles Micheli eta EBko buruei 2024-2027rako Ukrainarako 50.000 milioi euroko Funtsa ezartzeagatik", idatzi du Zelenskik X sare sozialean.
Zelenskik "oso garrantzitsutzat" jo du dirua ematea. Erabaki horrek "EBren batasunaren indarra erakusten du beste behin ere", idatzi du Ukrainako estatuburuak.
Europar Batasunak 140.000 tona hornikuntza baino gehiago bidali ditu Ukrainara, babes zibileko mekanismoaren bidez, gerra hasi zenetik. Laguntza horren balioa 796 milioi eurokoa da, Europako Batzordeak ostegun honetan ohar baten bidez jakinarazi duenez.
Batzordearen arabera, Ukrainak jasotako laguntza EBko Larrialdiei Erantzuteko Koordinazio Zentroak inoiz babestu duen operaziorik handiena da.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".