Albiste izango dira: Atentatua Moskun, Korrikaren balorazioa eta Telegramen blokeoa
Honako gai hauek hartuko dituzte gaur, 2024ko martxoaren 25ean, hedabideetako lerroburu nagusiak:
- Atentatua Moskun: Errusiako agintariek jakinarazi dute dagoeneko 137 direla Moskuko Crocus City Hall aretoan ostiralean izandako atentatuan hildakoak, igande honetan argitaratutako azken balantzearen arabera. Gainera, erasoarekin lotura dutelakoan atxilotutako lau pertsona behin-behineko kartzelaldian sartu dituzte, epaiketaren zain, terrorismoa leporatuta. Halaber, dozenaka misilekin eraso egin dio Errusiak Ukrainari igande honetan, Moskuko atentatuarekin zerikusia izan duela iradoki ostean.
- Korrikaren balorazioa: Martxoaren 14an Irundik abiatu zen 23. Korrika helmugara iritsi atzo, Baionako Askatasunaren plazara. 11 egunean 2.792 kilometroko ibilbidea osatuta. Biharamunean, Ane Elordi Korrika koordinatzaileak euskararen aldeko lasterketaren azken edizioaren balorazioa egingo du Baionan, 10:30etik aurrera.
- Telegramen blokeoa: Santiago Pedraz Auzitegi Nazionaleko epaileak Telegram sare soziala behin-behinean blokeatzeko agindua eman ondotik, litekeena da gaur bertan gauzatzea. Mediaset, Antena 3 eta Movistar Plus konpainiek ezarritako salaketa baten harira iritsi zen agindu judiziala; izan ere, egile eskubideak zituzten edukiak baimenik gabe erabiltzea leporatu zioten Telegrami.
Zure interesekoa izan daiteke
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.
Hildakoen kopuruak gora egiten jarraitzen du Gazako Zerrendan, su-etena gorabehera
Israelgo armadaren erasoek bost gazatar hil eta bederatzi zauritu dituzte, ostegunetik. Bien bitartean, Palestinaren gorpuen identifikazioa blokeatzen jarraitzen du Israelek, bake akordioan hitzartutakoan betetzea eragotziz.
Bi pertsona gehiago sartu dituzte behin-behinean kartzelan, Louvreko lapurretarekin lotura dutelakoan
Parisko Fiskaltzak ohar baten bidez adierazi duenez, "ikerketa ez da oraindik amaitu", eta bi atxilotu horiek badaezpadako kartzelaldian daude.
Fronte Polisarioak errefusatu egin du NBEren ebazpena, eta "autodeterminazio eskubidea" aldarrikatu du baldintza "negoziaezin" gisa
Mendebaldeko Sahararen nazio askapenerako mugimenduak salatu duenez, "Marokoren okupazioa legitimatu egiten du" autonomia proposamenak.