Israeli armak bidaltzeari uzteko eskatu diote Bideni Pelosik eta beste 39 demokratak
Nancy Pelosi Ameriketako Estatu Batuetako Ordezkarien Ganberako presidente ohiak, Joe Biden presidentearen aliatu estua denak, eta beste 39 legegile demokratak gutun bat sinatu dute Israelera armak bidaltzea bertan behera uzteko eskatuz.
Ostiralean argitaratutako gutunean, legegileek "kezka eta haserrea" adierazi dute apirilaren 1ean World Central Kitchen (WCK) Jose Andres sukaldari espainiarrak sortutako gobernuz kanpoko erakundeko zazpi kooperante hil zituen erasoagatik.
Eraso horren aurrean, Joe Bideni eta Antony Blinken Estatu idazkariari eskatu diete Israelera armak bidaltzea berraztertzeko eta hemendik aurrerako arma-bidalketak eteteko, World Central Kitchen erakundearen aurkako erasoa erabat ikertu eta Gazako egoera humanitarioa arindu arte.
"Langile humanitarioen aurkako erasoa, eta larriagotzen doan krisi humanitarioa ikusita, uste dugu justifikaezina dela arma-transferentzia horiek onartzea", dio Pelosik eta beste 39 demokratak sinatutako gutunak, besteak beste, jatorri palestinarreko Rashida Tlaib aurrerakoiak eta Alexandria Ocasio-Cortezek.
Era berean, Bideni eskatu diote ez ditzala Israelera bidali aste honetan bertan iragarritako diametro txiki eta ertaineko 2.000 bonba. Pakete hori WCK-ko zazpi boluntarioen aurkako erasoa gertatu baino lehen onartu zen.
Gutunak badu garrantzia, izan ere, Pelosi Estatu juduaren defendatzaile sutsua izan da beti, eta gutunean aldatu egin du orain arte Israel babesteko erakutsi duen jarrera, eta, bide batez, agerian utzi du Israelera armak bidaltzearekin amaitzeko ideia ez dela soilik Alderdi Demokrataren alde aurrerakoiaren eskaera bat, demokrata asko agertu baitira horren alde.
Gainera, Alderdi Demokratan pisu handia duen beste politikari batek, Chuck Schumer Senatuko gehiengoaren liderrak, Israelen hauteskundeak aurreratzeko eskatu zuen martxoan, Benjamin Netanyahu lehen ministroa bakerako oztopo dela iritzita.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".