Akordio proposamenari Hamasek emango dion erantzunaren zain, tentsioa eta presioa gora doa Israelen ingruan
Israelen akordio proposamenak mahai gainean jarraitzen du, Hamasen erantzunaren zain. Ismail Haniye buruzagiak ostegun honetan adierazi duenez, Hamasek "espiritu positiboarekin" hartu du bahituak askatzeko eta Gazako Zerrendan su-etena ezartzeko proposamen hori. Horrek ez du esan nahi ordea, aste honetan iragarri duenaren ildotik, negozioazioak bermatuta daudenik, Hamasek argi utzi baitu su-etenari eta bahituen askapenari buruzko elkarrizketak eten egingo dituela Israelek Rafah hiriaren aurkako lurreko operazioa hasten badu.
Gaur jakin da Hamaseko ordezkaritza bat Kairora iritsiko dela larunbat honetan, negoziazioekin jarraitzeko. Gainera, Haniyek eskerrak eman dizkio Egiptori bitartekaritzagatik, Qatarrekin eta AEBkin lankidetzan ari dena kontaktuen kudeaketan.
Hain zuzen ere, Antony Blinken AEBko Estatu idazkariak Benjamin Netanhayu Israelgo lehen ministroari Jerusalemera egindako zazpigarren bisitan berriro esan dio, garrantzitsua dela talde palestinarrarekin su-eten itun bat lehenbailehen sinatzea.
Izan ere, denborak aurrera egin ahala, areagotzen ari Israelek Gazaren aurkako erasoa geldiarazteko nazioarteko presioa, zazpi hilabetean 34.600 pertsona baino gehiago hil eta ia 80.000 zauritu ondoren.
Barneko presioak Israelen
Erasoaldia bertan behera uzteko presioak areagotu egin dira Netanyahurengan Israeletik kanpo; barruan, baina, beste norabidean doaz presioak, Netanyahuren kide ultraeskuindarrek lehen ministroaren jarrera moderatuegia dela uste baitute.
Bezalel Smotrich Israelgo Finantza ministro supremazistak Hamasekin adostutako balizko su-eten baten aurka egin du ostiral honetan, eta Rafahren aurka "indar osoz" aritzeko eskatu du. 1,4 milioi pertsona bizi dira Rafahn, nora jo ez dutela.
Sua bizitu beste asmorik ez duen hizkera erabiliz, ministroak Estatu Batuei leporatu die talde palestinarrari eta bere liderrei "immunitatea" ematea eta Hamas "suntsitzea" eragoztea.
Smotrichek, Segurtasun Nazionaleko ministro Itamar Ben Gvir eta Asentamendu ministro Orit Strock juduekin batera, Benjamin Netanyahu lehen ministroaren gobernua uzteko mehatxua egin du, baldin eta Hamasekin ituna lortu eta erasoaldia gelditzen bada.
Adierazpen horiek egin dituzten egun berean argitaratu du The Times of Israel egunkariak inkesta esanguratsu da. Galdekerta horren arabera, israeldarren % 54 Hamasekin talde palestinarrak dituen 133 bahituak (ez dakite zenbat dauden bizirik) askatzeko akordioa lortzearen alde dago.
Aldiz, israeldarren % 38 Rafahn inbasio militarra egitearen alde agertu dira.
Inkestak zehazten duenez, eskuin muturreko boto-emaileen % 79 Rafahn lurrez sartzearen alde daude, eta zentroko eta ezkerreko boto-emaileen % 81 bahituak askatzea bideratuko duen itun baten alde.
Albiste gehiago mundua
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.