Dozena bat emakume baino gehiagok David Copperfield magoari sexu-erasoak egitea leporatu diote
16 emakumek sexu-erasoak leporatu dizkiote David Copperfield mago estatubatuarrari, horien artean hiru emakume drogatu izana haiekin harremanak izateko, The Guardian Erresuma Batuko egunkariak gaur argitaratutako ikerketa baten arabera.
Emakumeetako lauk diote Copperfieldek ukituak egin zizkiela, eta behartu egin zituela "agertokian sexualki bera ukitzera, ikuskizunetan zehar", ikerketaren arabera. Ikerketa txosten polizialetan eta judizialetan eta 100 testigantza baino gehiagotan oinarritzen da.
Biktima batzuen esanetan, #MeeToo mugimenduak hitz egitera bultzatu zituen, eta, kasu batzuetan, haien izenak argitaratzea onartu dute. Beste batzuetan, anonimotasun-baldintzapeko testigantzak dira.
Erasoak 1980ko hamarkada amaieratik 2014ra jasan zituzten, eta emakumeen erdiek diote, gainera, adingabeak zirela erasoak jazo zirenean, bakarren bat 15 urte ingurukoa ere bai.
Aztiak ukatu egin du "inolako deliturik" egin izana, The Guardian-ek ikerketa argitaratu aurretik Copperfield kontsultatu baitzuen. Copperfieldek "inoiz ez du modu desegokian jokatu inorekin, are gutxiago adin txikiko inorekin", azpimarratu dute bere abokatuek.
Argitaratutako informazioak "erabat faltsuak izateaz gain, guztiz sinesgaitzak ere badira", erantsi dutenez.
"David Copperfield ezagutzen duen orok esango dizu egunkari baten akusazio horiek Daviden guztiz kontrakoa direla", adierazi du magoaren ordezkari batek ohar ofizial batean.
Aztiak esan du, gainera, ezin izan dizkiotela akusazio horien "frogak" entregatu, nahiz eta eskatu, eta azpimarratu du AEBko segurtasun indarrek dagoeneko ikertu dutela, deus aurkitu gabe.
Albiste gehiago mundua
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.