Klimaren aldeko aktibista talde batek Municheko aireportua geldiaraztea lortu du tarte batez
Municheko (Alemania) nazioarteko aireportuko hegaldiak denbora tarte batez geldiaraztea lortu du Azken Belaunaldia mugimendu ekologistako aktibista talde batek, aireportuko hesia gainditu eta pistetara hurbiltzeko bideak blokeatuta.
Zehazki bi errodaje-kaletan jarri dituzte oztopoak hegazkinak pasa ez zitezen, aireportuko bozeramaile batek Die Welt egunkari alemaniarrari azaldu dionez.
05:00etan hasi dute protesta ekintza, eta bi ordu eta erdi behar izan du Poliziak egoera bere onera itzultzeko.
Segurtasun indarren esanetan, aireportuko martxa berreskuratu dute, baina 60 hegaldi bertan behera gelditu dira eta beste askok atzerapenak izan dituzte. Mendekoste zubiaren lehen eguna da Alemanian, eta 1.000 hegaldi daude gaurko programatuta. Asteburuan 350.000 bidaiari pasatuko dira Municheko aireportutik.
Zortzi pertsona atxilotu dituzte gertakari horren ostean. Oraindik identifikatu ez dituzten arren, Azken Belaunaldia aktibista taldeak aldez aurretik iragarria zuen hegaldiak oztopatzeko asmoa zuela, 2022an egin zuen bezala, taldearen arabera, Alemaniak berotze globalean duen erantzukizunaren ia % 10 aire-trafikoaren inpaktuak eragiten baitu.
"Erantzukizuna Gobernuarena da. Aire-konpainiek milioiak jasotzen dituzte dirulaguntzetan urtero, tren-konpainiek eta beste garraiobide publiko batzuek murrizketak dituzten bitartean", adierazi du taldeak.
Bestalde, Nancy Faeser Barne ministroak gaitzetsi egin du ekintza, eta, esan duenez, "horrelako ekintzek aireko garraioa arriskuan jarri" eta "kalte egiten diote" klimaren babesari, "ulertezintasuna" besterik ez dutelako eragiten.
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.