Israelek kontsultara deitu ditu Espainian, Irlandan eta Norvegian dituen enbaxadoreak
Norvegiak, Irlandak eta Espainiak maiatzaren 28an Palestinar Estatua aitortuko dutela iragarri eta berehala heldu da Israelgo Gobernuaren erantzuna. Kontsultara deitu ditu Espainiako, Irlandako eta Norvegiako bere enbaxadoreak.
Israel Katz Israelgo Atzerri Gaietarako ministroak izenpetuta, oharra kaleratu du Benjamin Netanyahuren Gobernuak, bere erantzuna zein izango den jakinarazteko. Espainiaren kasuan, Rodica Radian-Gordon Israelek Madrilen duen enbaxadorea deitu dute kontsultara, eta Ana Salomon Espainiak Israelen duen ordezkaria, berriz, bilera batera deitu dute. "Hamas taldeko hiltzaileei urrezko domina ematea erabaki dute", salatu du Katzek.
Ministroak zehaztu duenez, Tel Aviven egingo duten bileran, Hamasek iazko urriaren 7an Israelen kontrako egindako erasoaren irudiak erakutsiko dizkiote Salomoni.
Aurretik igorritako beste idatzi batean, Norvegian eta Irlandan dituen enbaxadoreak deitu ditu kontsultara Israelek. "Irlandak eta Norvegiak mezu argi bat igorri diete palestinarrei eta mundu osoari: terrorismoak merezi du... Palestina Estatu gisa aitortzea, Hamas saritzea da", dio testuak.
Era berean, Etxe Zuriak Espainiaren, Irlandaren eta Norvegiaren erabakiaren aurrean erreakzionatu du, Bidengo Administrazioaren jarrera "aldeen arteko negoziazio zuzenak" direla gogoraraziz.
"Presidentea bi Estaturen irtenbide baten aldekoa da, eta hala izan da bere ibilbide osoan", baina Palestinako Estatu baten aitortza "aldeen arteko negoziazio zuzenen bidez" egin beharko litzatekeela uste du, eta ez "aldebakarrez", esan dio Segurtasun Nazionaleko Kontseiluko bozeramaile batek CNNri.
Hiru herrialde horiek Palestina estatu gisa onartzeko hartutako erabakiari buruz galdetu diotenean, Jake Sullivan Etxe Zuriko Segurtasun Nazionaleko aholkulariak azaldu du "ez duela ulertzen" pauso horrek Ekialde Hurbileko egoera hobetzen nola lagunduko duen, eta herrialde horiei galdetu beharko zaiela "nola lotzen duten euren aldebakarreko aitortza bake prozesuarekin".
"Ez dut ulertzen nola lagundu dezakeen. Esan diezazukedana da uste dugula israeldarrak eta palestinarrak asebeteko dituen bi estaturen irtenbidea lortzeko bide bakarra aldeen arteko zuzeneko negoziazioak direla. Hor jarri ditugu gure ahaleginak, eta horretara bideratu dugu gure lana", nabarmendu du Sullivanek.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.