Sunakek hauteskunde orokorrak aurreratu eta uztailaren 4rako deitu ditu
Rishi Sunak Erresuma Batuko lehen ministroak hauteskunde orokorrak deitu ditu uztailaren 4rako
Gaur egun, inkesten arabera, laboristak dira hauteskundeak irabazteko faboritoak, botoen % 44 lortuta, kontserbadoreen % 23ren aurrean.
Gainera, duela hiru aste udal-hauteskundeak egin ziren, eta kontserbadoreek emaitza txarrak izan zituzten, bozkatu zen herrietan zinegotzien erdia galduta.
Ustekabeko erabakiaren zurrumurrua egun osoan zabaldu da, eta indarra hartu du David Cameron Erresuma Batuko Atzerri ministroak Albaniatik Londresera lehenago itzultzeko erabakia hartu ondoren.
Sunakek Downing Streeteko 10. zenbakian premiazko ministroen kontseilua deitu du, eta batzarra amaitu ondoren agerraldia egin du.
Cameronez gain, Grant Shapps Defentsa ministroak bidaia bat ordu batzuk atzeratu du kabinetearen hitzordu horretara joan ahal izateko, eta goi-funtzionarioek agendak hustu dituzte.
Gobernuburu kontserbadoreak hauteskundeak deitu behar zituen urtarrilaren 28a baino lehen, legealdia amaitu baino lehen, baina nahi duenean egin dezake, aldeko une politikoa aprobetxatuz.
Euripean, zortzi minutu eskaseko agerraldia egin du lehen ministroak, Charles III.a erregeari uztailaren 4an hautetsontzietara deitzeko asmoaren berri eman diola hedabideei azaltzeko.
II. Mundu Gerraz geroztik Erresuma Batuak bere unerik zailena igaro duela ziurtatu ostean, Sunakek esan du bere Gobernuak egonkortasun ekonomikoa itzuli nahi izan diola herrialdeari, covid pandemiaren ostean.
"Gobernura egonkortasun ekonomikoa aginduz iritsi nintzen, eta ahalegin kolektiboari esker bi mugarri lortu ditugu: gure ekonomia inork aurreikusi baino azkarrago hazten ari da (...) eta inflazioa normaltasunera itzuli da. Horrek erakusten du gure lehentasunak funtzionatzen ari direla", gaineratu du.
Bere kanpainako lehen ekitaldi bihurtu den adierazpen batean, Sunakek adierazi du Erresuma Batuak bere 'torien' eta Keir Starmerren laboristen artean aukeratu beharko duela.
"Starmerrek behin eta berriz erakutsi du beti hartuko duela biderik errazena", nabarmendu du lehen ministroak, bere burua behar denean neurri zailak hartu dituen norbait bezala aurkeztu ostean.
Zure interesekoa izan daiteke
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.