Espainiak, Norvegiak eta Irlandak gaur aitortuko dute Palestinako estatua, tentsio diplomatikoen erdian
Iragarpena egin eta sei egunera, Espainiak, Irlandak eta Norvegiak gaur aitortuko dute Estatu palestinarra ofizialki. Zehazki, Pedro Sanchez Espainiako presidenteak Moncloan egingo du agerraldia, 08:30ean, eta bertan Palestinako Estatuaren inguruko adierazpen instituzionala egingo du. Ondoren, 09:30etik aurrera, aitortza ofizialki onartuko du Ministroen Kontseiluak.
Joan den asteazkenean iragarri zutenetik, Israelek ofentsiba diplomatikoa abiatu du. Esaterako, erretiratu egin ditu Espainian, Norvegian eta Irlandan zituen enbaxadoreak, eta Espainiak Zisjordanian duen kontsulatuari debekatu egin dio palestinarrei zerbitzua ematea.
Tentsio diplomatikoen erdian, Israelgo agintariak etengabe ari dira Espainiaren aurkako mezuak zabaltzen. Azken astean, Israel Katz Israelgo Atzerri ministroak behin birritan ohartarazi du Espainiak, Irlandak eta Norvegiak estatu palestinarra onartzeak "ondorio are larriagoak" izango dituela.
Espainiak Palestina estatu gisa aitortuko zuela iragarri eta biharamunean, Palestina "ibaitik itsasoraino" aske izango dela adierazi zuen Yolanda Diaz Espainiako Gobernuko presidenteordeak bere sare sozialetan argitaratutako bideo batean. Lelo hori antisemita dela uste du Israelek, eta bere haserrea areagotu du.
Gainera, Israelgo Gobernuak hiru bideo argitaratu ditu, bideo bana herrialde bakoitzeko, Hamasen izenean Espainiari, Norvegiari eta Irlandari eskerrak emanez. Espainiari buruzko grabazioak flamenkoko irudiak eta urriaren 7ko erasoaren irudiak tartekatzen ditu. Jose Manuel Albares Espainiako Atzerri ministroaren arabera, bideoa "eskandalagarria" da. "Inork ez gaitu kikilduko", gaineratu du.
Atzo, Israelgo Gobernuak gogor egin zuen, beste behin, Espainiako exekutiboaren kontra, eta bera "mintzen" duena "minduko" duela iragarri zuen, "Inkisizioaren egunak amaitu" direla argudiatuta.
"Inkisizio egunak amaitu dira. Gaur egun herri juduak Estatu burujabe eta independentea du, eta inork ez gaitu konbertituko edo gu mehatxupean jarriko: gu mintzen gaituena munduko dugu", ohartarazi zuen X sare sozialean argitaratutako mezu batean.
Katzen esanetan, Israel "ez da isilik geratuko terrorismoa saritzen duen Gobernuaren aurrean eta lelo antisemita errepikatzen duten Pedro Sanchez eta Yolanda Diaz buruzagien aurrean".
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.