Israelek Espainiari debekatu egingo dio Jerusalemen duen enbaxadan palestinarrei zerbitzua ematea
Espainiako Gobernuak Estatu palestinarra aitortzeko iragarpenak lehen ondorioak izan ditu. Israel Katz Israelgo Atzerri ministroak iragarri du Espainiak Tel Aviven duen enbaxadaren eta palestinarren arteko loturak eteteko agindu duela, eta Jerusalemen duen kontsulatuari debekatu egingo diola palestinarrei zerbitzua ematea. Espainiak Jerusalem ekialdean (lurralde okupatua) duen kontsulatuak enbaxada gisa funtzionatzen du palestinarrentzat.
Sare sozialetan argitaratutako mezu batean Katzek azaldu duenez, erabakiaren atzean bi arrazoi nagusi daude: batetik, Espainiako Gobernuak Estatu palestinarra aitortzeko erabakia; bestetik, Yolanda Diaz Espainiako Gobernuko presidenteordeak egindako adierazpenak.
Espainiak Palestina estatu gisa aitortuko duela iragarri eta biharamunean, Palestina "ibaitik itsasoraino" aske izango dela adierazi zuen bere sare sozialetan argitaratutako bideo batean. Lelo hori antisemita dela uste du Israelek, mezu horrekin inplizituki bere estatuaren desagertzea aldarrikatzen delakoan.
Maiatzaren 28an Estatu palestinarra aitortuko dute Espainiak, Irlandak eta Norvegiak. Erabakiak Israelen haserrea eragin zuen, eta kontsultara deitu zituen aipaturiko hiru herrialdeetan dituen enbaxadoreak.
Halaber, hiru herrialde horietako ordezkari diplomatikoak bilera batera deitu zituen Jerusalemgo Atzerriko Ministerioan.
Katz ministroak behin birritan ohartarazi du Espainiak, Irlandak eta Norvegiak estatu palestinarra onartzeak "ondorio are larriagoak" izango dituela.
Espainiako Gobernuak protesta egingo du Israelgo Gobernuaren aurrean
Jose Manuel Albares Espainiako Atzerri ministroak aurreratu du Espainiako Gobernuak protesta egingo duela Israelen aurrean, erabakiagatik. Halaber, ukatu egin du gobernu espainiarrean "antisemitak" daudela. RAC1 irrati katean egin dioten elkarrizketan adierazi duenez, Katzek egindako iragarpena aztertuko du Gobernuak, eta "hori horrela bada, protesta egingo dugu".
Zure interesekoa izan daiteke
Polymarket: apustuen eta gerraren jokoa
Polymarket kripto-txanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak informazio pribilegiatuaren erabileraz ohartarazi du; eta adibide moduan jarri du Maduro noiz bahituko zuten zehaztasun osoz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.