CNAk irabazi du Hegoafrikan, baina gehiengo osoa galdu du lehenengo aldiz
Hegoafrikan agintean dagoen CNA alderdiak irabazi ditu berriro hauteskundeak, botoen % 40,12 jasota, baina Nelson Mandela 1994an agintera iritsi zenetik zuen gehiengo osoa galdu du, asteazkeneko hauteskundeetako botoen % 98 zenbatu direnean.
Hauteskunde Batzorde Independentearen azken datuen arabera, CNAk azken 30 urteetako emaitza txarrenak eskuratu ditu, eta Cyril Ramaphosa presidenteak alderdiren batekin egin beharko du akordioa beste 5 urtez presidente izaten jarraitzeko.
1994an apartheid erregimen baztertzailea amaitu eta Nelson Mandela lehenengo presidente beltza izan zenetik, CNAk beti izan du gehiengo osoa (% 57,5ekoa 2019ko hauteskundeetan), baina asteazkeneko hauteskundeetako emaitzak baieztatuz gero, oraingo hauetan ez du lortuko (% 40,12).
Bigarren postuari eutsi dio John Steenhuisenen AD zentro-eskuineko liberalak, botoen % 21,72 bilduta, aurreko hauteskundeetan baino ia puntu bat gehiago.
Hirugarren izan da azkenean uMkhonto weSizwe (MK), Jacob Zuma presidente ohiaren (2009-2018) alderdi berria, botoen % 14,8 jasota. Hain zuzen ere, alderdi horren agerraldiak eragin du CNAko boto-emaileen zatiketa.
Auzitegi Konstituzionalak, kanpainaren erdian, galarazi egin zion Zumari hauteskundeetan aurkeztea (men ez egiteagatik 15 hilabeteko espetxe zigorra jaso zuelako), baina bere alderdiak hirugarren postua kendu dio Julius Malemaren EFF ezker muturreko alderdiari (% 9,39).
28 milioi hegoafrikar zeuden asteazkeneko hauteskundeetan parte hartzera deituta. Hauteskunde Batzorde Independentearen datuen arabera, parte-hartzea % 58,59koa izan da, 2019ko % 66ko parte-hartzetik urrun, nahiz eta bazirudien herritarren artean interes handiko hauteskundeak izango zirela.
Hauteskunde Batzordeak astebeteko epea du behin betiko emaitzak jakinarazteko, baina litekeena da asteburu honetan bertan egitea.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.