Benny Gantz Israelen gerra kabineteko ministroak atzeratu egin du dimisioa iragartzeko prentsaurrekoa
Benny Gantz Israelgo Gobernuaren gerra kabineteko ministroak prentsaurrekoa deitua zuen gaur 20:40rako (19:40, Euskal Herrian) dimisioa iragartzeko, hau da, gerra hasi zenean osatu zen larrialdiko gobernutik eta gerra kabinetetik ateratzeko. Gazan bahitutako batzuk askatu ostean, baina, epemugarik gabe atzeratu du agerraldia.
Batasun Nazionala alderdiak egindako iragarpen ofizialak ez zuen agerraldiaren zergatia zehazten, baina Israelgo prentsa eta adituen arabera, politikariak urriaren 7ko erasoaren ostean sortu zen larrialdiko gobernua uzteko erabakiaren berri eman nahi zuen.
Hamasen erasoaren aurretik oposizioan zegoen politikaria izan zen Netanyahuk batasun nazionaleko gobernua osatzeko egindako eskaerari baiezkoa eman zion buruzagi bakarra, eta postu garrantzitsua du gerra kabinetean, lehen ministroarekin eta Yoav Gallant Defentsa ministroarekin batera, boto-eskubidea duen bakarra baita.
Gantzek, Estatu Nagusiko buru eta Defentsa ministro izandakoak, ultimatuma bidali zion Netanyahuri maiatzaren erdialdean, ekainaren 8a baino lehen Gazako Zerrendan gerraosterako egitasmo bat aurkeztu ezean kabinetea utziko zuela jakinarazteko. Egitasmorik mahai gainean ez dagoenez, gaur dimisioa ematekoa zela uste zuten.
Militar esanguratsu batzuek eta adituek bezalaxe uste du funtsezkoa dela zehaztea nork hartuko dituen zeregin zibilak eta Gazako Zerrendako gobernua gerra amaitzen denean, Hamas garaitzen dutenean.
Gantzen profil politikoa asko indartu da gerran, eta hauteskunde inkestek lehenengo postuan kokatzen dute. Netanyahurentzat kolpe sinboliko gogorra izango litzateke, nahiz eta oraindik ez duen gehiengoa galduko.
Israelgo koalizio gobernuak beste arrisku batzuk ditu: eskuin muturreko alderdiek (Botere Judua eta Sionismo Erlijiosoa) gobernua utziko dute Hamasekin su-eten akordioa sinatuz gero, eta Shas eta Toraren Judaismo Batuak ultraortodoxoek gobernua utziko dute Tora ikasten ari diren gazte harediak zerbitzu militarra egitera behartzen badituzte.
Zure interesekoa izan daiteke
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.
Istiluak Erresuma Batuan, ultraeskuindarrek migrazioaren aurka egindako manifestazioetan
Liskarrak izan dira bart Portsmouthen migrazioaren kontrako manifestari ultraeskuindarren eta poliziaren artean eta hainbat agente zauritu dira. Larunbatean eskuin muturreko ehunka kaputxadunek Doverreko portua blokeatu zuten, Mantxako kanaletik ontzi batean iritsitako 140 migratzaileren lekualdatzea saihesteko. Gobernu britainiarrak eta alderdi politiko guztiek manifestazioak salatu dituzte.
Europako liderrek kezkaz hartu dute AfDren garaipena: "Mehatxua da Europarentzat"
AfDk Alemaniako eskualde batean bakarrik gobernatzeko gehiengo absolutua lortu ez bazuen ere, emaitza errekorra lortu zuen igande honetan, botoen % 43,8 eskuratuta, Friedrich Merz kantzilerraren alderdiaren aurretik ( % 17,2).
Aramburu errugbi jokalari ohiari tiro egin zion akusatu nagusiak heriotzaren egilea dela aitortu du
Astelehen honetan hasi den epaiketan, akusazioak "premeditazioa" frogatu nahi du, ez zela homizidioa izan, erailketa baizik.
Milaka serbiar bildu dira Belgraden Mladicen hiletarako, EBren ohartarazpenak gorabehera
Ehunka lagun hurbildu dira Belgraden gerra-kriminal Ratko Mladicen hil-kaperara, hileta ospatu aurretik. Mladic abuztuaren 27an hil zen, 84 urte zituela, Hagako kartzela batean bizi osorako espetxe-zigorra betetzen ari zela. "Bosniako harakina" ezizenez ezaguna, Mladic 2017an kondenatu zuten genozidioagatik, gerra-krimenengatik eta gizateriaren aurkako krimenengatik, Jugoslavia ohian 1992tik 1995era bitartean izandako gerretan. Europar Batasunak Serbiari ohartarazi dio Ratko Mladici ohoreak egiteak edo hura goratzeak arrisku larrian jartzen duela EBn sartzeko prozesua.
Ormuzko itsasartean beste eremu mugatu bat ezarriko duela iragarri du Iranek
Teheranek ohartarazi duenez, bertatik bere baimenik gabe igarotzen diren ontziak zigortu egingo ditu. AEBk dioenaren kontrara, itsasartea erabat itxita dagoela azpimarratu du Iranek.
Kushner eta Witkoffek Kievera egindako lehen bisitak ez du urratsik ekarri bakerako bidean
AEBk, Ukrainak eta Europako bazkideek adostu dute datozen asteetan bilera gehiago egitea eta neguari begira Ukrainari laguntza indartzea. Lehentasunen artean daude aire-defentsarako sistema gehiago, energia-sektorerako laguntza eta hornidura osagarriak.
Susan Sarandonek salatu du hainbat zinema proiektutatik kanpo utzi dutela Israel kritikatzeagatik
Bere azken filma aurkezten ari zela, Palestinaren defentsa publikoarengatik ondoriorik bizi izan ote duen galdetu diote aktore estatubatuarrari Mostran, eta zenbaitek betatu egin dutela onartu du.
AfD ultraeskuindarrak garaipen zabala lortu du Saxonia-Anhalten, eta gehiengo osoaren atarian geratu da
Litekeena da Sahra Wagenknecht Aliantzaren (BSW) abstentzioa nahikoa izatea Alemanian alderdi ultra batek estatu batean berriro agintea hartzeko.