Ukrainak dio NATOk "benetako aurrerapausoa" eman duela bera kide egiteko bidean
Ukrainako presidentearen bulegoko burua, Andri Yermak, oso pozik agertu da NATOko kideek Washingtonen egin duten goi-bileran adostutako adierazpenarekin.
AEBetako hirian bertan egindako bileretako baten ondoren, Yermakek esan du "dokumentuaren hizkuntza oso sendoa" dela eta "Aliantzak benetako aurrerapausoa eman" duela. Bere ustez, NATOren hurrengo erabakia Ukrainari kide bihurtzeko gonbita egitea izango da.
NATOko 32 kideek Washingtoneko adierazpen bateratuan iragarri dutenez, "Ukrainaren etorkizuna NATOn dago", eta "horretarako baldintzak betetzen dituenean, bat egiteko gonbidapena luzatuko" diote. Era berean, konpromisoa hartu dute, 2025ean, gutxienez, 40.000 milioi euro bideratzeko laguntza militarrean, "errusiarren inbasioari aurre egin ahal izateko". Horrez gainera, defentsa-ekoizpen industrialean laguntzea agindu dute, industria berritzailea, lehiakorra eta iraunkorra sustatuz.
Halaber, egun hauetan zehar, AEBetako irismen luzeko misilak Alemanian hedatzea erabaki da.
Errusiak uste du hori guztia "oso mehatxu larria dela segurtasun nazionalarentzat". Dmitri Peskov Presidentetzako bozeramaileak ohartarazi duenez, NATO geldiarazteko neurri "pisutsuak, koordinatuak eta eraginkorrak" hartzea aztertuko dute.
Goi-bilera honetako adierazpenak Txinari ere egin dio erreferentzia; Errusiaren "gerra ekonomian" duen "erantzukizuna" aipatzen du. Horrez gainera, Jens Stoltenberg idazkari nagusiaren hitzetan, Txinak Errusia hornitzen du, "arma sistemak sortzeko behar dituen tresnak, ekipamendua, teknologia, mikroprozesadoreak eta mikroelektronika" emanez. Horrek Txinaren "interesei eta ospeari kalte" egingo diela.
Asiako erraldoiak erantzun du NATOk "informazio faltsua zabaltzen" jarraitzen duela, "Txinaren eta Europar Batasunaren arteko harremanak eta lankidetza ahultzeko" helburuarekin. Lin Jian Atzerri Ministerioko bozeramaileak ziurtatu duenez, Aliantza "Gerra Hotzaren garaiko erlikia bat da", "konfrontazioa bilatzen du eta ez bakeari eutsi".
Aliantzari eskatu dio Txinaren "barne arazoetan esku hartzeari, bere irudia difamatzeari eta Txinaren eta EBren arteko harremanetan esku hartzeari" utzi diezaiola.
Albiste gehiago mundua
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.
EBk bere jarrerari eutsi eta ez du genozidio hitza erabili, NBEren txostenak Gazakoa hala dela aitortu arren
Anouar El Anouni Europar Batasuneko Atzerri Gaietako bozeramailearen arabera, "genozidio ekintza bat izan dela esateko, ebazpen judizial bat" behar da, eta, beraz, epaitegiek erabaki beharko dute hori.