1.200 pertsonatik gora atxilotu dituzte Venezuelan, Maduroren aurkako protestetan
Tentsioak gora egin du Venezuelan joan den igandeko hauteskundeen ostean, eta dagoeneko 1.200 pertsona baino gehiago atxilotu dituzte astelehenetik aitzinera izan diren protestetan. Nicolas Maduro Venezuelako presidenteak hirugarren agintaldia lortu du asteburuan, baina askoren iritziz zenbaketa prozesuan iruzurra egon da, eta, ondorioz, giroa asko gaiztotu da herrialde osoan zehar.
Manifestariak, alde batetik, eta polizia, bestetik. Sare sozialetan zabaldutako bideo batean Maduro ageri da Guardia Nazional Bolivartarreko funtzionarioei errepresioa gogor dezatela esanez, eta erregimenak "Texasen, Kolonbian, Perun eta Txilen entrenatutako 1.200 kriminal" harrapatu dituela adieraziz.
Igandeko hauteskundeetan Nicolas Madurok bere agintaldia berretsi eta gero, eta oposizioak emaitzetan iruzurra izan dela salatu ondotik, astelehenean Venezuelako kaleak manifestariz josi ziren. Hasiera batean protesta lasaiak izan ziren, baina egunak aurrera egin ahala, eta Hauteskunde Kontseilu Nazionalak Maduro ofizialki presidente izendatu ondoren, agindu moduan hauteskunde-aktak argitaratu gabe, tentsio giroa areagotu egin zen.
Azken datuen arabera 1.200 lagunetik gora dira atxilotuak eta gutxienez 11 pertsona hil dira.
Venezuelako presidentearen aburuz, oposizioak ez ditu emaitzak onartzea eta "indarkeria kriminala" bultzatzea leporatu dio. Gainera, Madurok babes helegitea aurkeztu du asteazken honetan Justizia Auzitegi Goreneko Hauteskunde Salan, igandeko hauteskundeen inguruan "argitu beharreko guztia" argitzeko eskatuz.
Bien bitartean, oposizioak ziurtatzat jotzen du akten % 80tik gorako informazioa duela, eta eskuartean dituen datu horiek Gonzalez Urrutiari eman diotela garaipena, tarte zabal batekin.
Nazioarteko presioa areagotzen ari da
Nazioarteko tentsioak bere horretan jarraitzen du Madurorekiko, eta hauteskunde-mahaien aktak argitara ditzan eskatzen die presidenteari. Atzo bertan,Cartes Zentroak ere, Venezuelako hauteskundeetan behatzaile lana egin zuen taldeak, adierazi zuen prozesuak ez zuela "bat egin" nazioarteko estandarrekin, hauteskundeen oinarriei dagokienez, eta, hortaz, "ezin direla hauteskundeak demokratikotzat jo".
Eta mundu osoko gobernu askok gardentasuna eskatzen diote Venezuelako agintariari. Azkena hori egiten Lula Da Silva izan da, Brasilgo presidentea. Kolonbiako eta Txileko Gobernuek ere aktak argitaratzeko eskatu diote Madurori.
Eta kaleetan ere tentsioa nabari da. Caracasen, adibidez, denda eta lokal asko itxi dituzte eta arazoak daude garraio publikoan, erregimenaren aurkako protesta jendetsuen ondotik.
Zure interesekoa izan daiteke
Hainbat hildako eta zauritu Stockholmen, autobus batek harrapatuta
Oraingoz ez dago argi gertaera zerk eragin duen. Ingurua itxi dute, eta larrialdietako zerbitzuak bertaratu dira.
Parisko tren-geltokia hustu dute, polizia-operazio baten ostean
Fiskaltzak azaldu duenez, Poliziak gizon bat atxilotu du, labana batekin mehatxuka ikusi ostean.
BBCk barkamena eskatu dio Trumpi hitzaldi bat manipulatuta emititzeagatik
Ameriketako Estatu Batuetako presidenteak barkamena eskatzeko eta kalte-ordaina ordaintzeko exijitu dio Erresuma Batuko irrati-telebista publikoari. Hori egin ezean, 1.000 milioi dolarreko demanda jartzeko mehatxua egin dio.
Osasuna ardatz izango duen klima egokitzapenerako plana aurkeztu dute COP30 goi-bileran
Irabazi asmorik gabeko nazioarteko 35 erakundek gaur iragarri dute 300 milioi dolar bideratuko dituztela datozen hiru urteotan, klima larrialdiari aurre egiteko ekimenetara. Tartean daude Gates, Wellcom Trust edota Rockefeller fundazioak.
Batasuna eta elkartasuna, Parisko erasoetatik 10 urtera
Hamar urte igaro dira Frantzia gogor kolpatu zuenetik terrorismo jihadistak. Hiru komandok Parisko estadio bati, hainbat terrazari eta Bataclan aretoari eraso zieten, eta 132 pertsona hil. Gaurdaino luzatu da oinazea eta trauma kolektiboa, eta gaur, gaur, memoriarako egun honetan, egun haietako batasuna eta elkartasuna itzuli da.
EBko abokatu nagusiak Puigdemonten amnistiarako bidea argitu du: "Ez da autoamnistia bat"
Dean Spielmann Europar Batasuneko abokatu nagusiaren ustez, Espainiako amnistia legea ez dago terrorismoaren aurkako Europako zuzentarauaren aurka, baina babes judizial eraginkorrerako eskubidearekin gatazkak egon daitezkeela ohartarazi du.
AEBko administrazioa ireki dute: 43 egun iraun duen eta inoizko luzeena izan den itxialdiari amaiera eman diote
Donald Trump Ameriketako Estatu Batuetako presidenteak bart sinatu du administrazioaren itxierari amaiera eman dion legea. Urtarrilaren 30era arteko aurrekontua onartu dute, eta Ordezkarien Ganberak 2026rako partidak osorik onartu beharko ditu, berriro itxialdirik egon ez dadin.
Albiste izango dira: 10 urte Bataclan aretoko atentatuetatik, gutxieneko soldata propioa Eusko Legebiltzarrean eta Korrikaren aurkezpena
Gaurkoan Orain-en albiste izango direnen laburpena, bi hitzetan.
David Bataclanen bahituta eduki zuten: “Minutu oro oroitzen dut gertatutakoa, tenperatura, usainak, armak…”
Eraso jihadista batean, 132 pertsona hil ziren Parisen, 2015eko azaroaren 13an; gehienak, Bataclan aretoan. 10. urteurrena da, eta biziraun zuen David Fritz elkarrizketatu du EITBk. 10 lagunekin batera bahitu zuten, bi ordu eta erdiz. Haren aurrean jendea hil zuten. Bizipen hark traumak utzi dizkio, eta memorian iltzatuta ditu ikusitakoen irudiak. Terapia gisa, bi liburu idatzi ditu ordutik.
Macronen pentsioen erreforma bertan behera utzi du Frantziako Asanblea Nazionalak
2023an onartutako erreformak polemika piztu zuen hasieratik eta herrialdeak bizi izan duen krisi politikoaren arrazoi nagusiena izan da. Alderdi Sozialistak erreforma bertan behera uztea baldintza gisa jarri zuen Sebastien Lecornuren gobernua erortzen ez uzteko.