Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Israelek atxilotutako Global Sumud Flotillako ekintzaileak aske dira eta Israeletik kanpo dagoeneko, deportatu baitituzte denak.
Israelgo Atzerri ministerioak ostegun honetan adierazi du aktibista atzerritar denak deportatu dituela. Bakarra gelditu da Israelen, bertako aktibista bat; epailearen aurrera eramango dute hori.
Xn jarritako mezu labur batean, ministerioak idatzi duenez, "ez du onartuko Gazaren gaineko itsas-blokeo legalaren inongo bortxaketarik".
Israelen 15:00ak zirenean (12:00 GMT), Israelgo Ramon aireportutik atera da atera da Turkiak jarritako hiru hegazkinetako lehena.
Gazako Zerrendara bidean nazioarteko uretan zihoazela Israelek atxilotutako 430 ekintzaileetatik gehienak Israelgo hegoaldeko muturrean dagoen aireportu horretatik deportatu. Handik gertu dagoen Ketzioteko espetxean egon dira aktibistak atxilotuta.
Aktibistetako bi, Hego Koreakoak, zuzenean deportatu zituzten espetxera eraman gabe, beste israeldar bat Axkalonera eraman dute (Israelgo hegoaldea) epailearen aurrean deklaratzera, eta talde juridikoak azaldu duenez, batzuk lurretik aterako dira, inguruko herrialdeetakoak direlako (Jordania eta Egiptokoak, besteak beste).
Ekintzaileen artean 40 bat herrialdetako herritarrak daude: 44, espainiar pasaportedunak, eta 74, turkiarrak. Turkiako NTV irratiaren arabera, Turkish Airlines konpainiak Istanbulera eramango ditu hiru hegazkinetan.
Europako hainbat herrialdek enbaxadore israeldarrak deitu dituzte Tel Avivek Global Sumud Flotillako ekintzaileei emandako tratu iraingarriaren aurka protesta egiteko. Itamar Ben Gvir Segurtasun Nazionaleko ministroak berak erakutsi zuen tratu hori bideo batean.
Ministro horrek Axdodgo portua bisitatu zuen; bertan zeuden 430 ekintzaile inguru, eskuburdinak jarrita, pilatuta eta belauniko, lurrera begira. Ben Gvirrek zabaldutako bideo batean, irribarretsu agertzen da, Israelgo bandera astintzen, ekintzaileei ongietorria egiten, isekaz.
Israel-Palestina
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
"Indarkeriak gora egin du"
Global Sumud Flotillak ostegun honetan salatu duenez, "Palestinako eskubideen defendatzaileen aurkako indarkeriak gora egin du", eta Israelek aktibistak atxilotu zituenean horien aurka egindako "indarkeria fisikoa eta sexuala orokorra eta sistematikoa" izan zen.
Prentsaurreko batean, Bader Alnoaimi Flotilla Global Sumud-en talde legaleko kideak zehaztu duenez, "gutxienez hiru ekintzaile zauritu ziren euren itsasontzien aurka tiro egindako arma ez-hilgarriak erabiltzeagatik" eta "itsasontzi militar batek ontzi bat jo zuen".
"Gure abokatuek (...) benetan muturreko indarkeria mailak dokumentatu dituzte. Saihets hautsien dozenaka susmo dokumentatu dituzte, mina, sexu-jazarpena eta sexu-abusuak eragin dituzten taser pistolak behin eta berriz erabili izana, eta aldi luzeetan estres-posizioetan atxikitako pertsonen jipoiak eta kontakizunak, besteak beste", gaineratu du Miriam Azemek, ontzidiaren legezko taldeak.
"Erabilitako basakeria-maila" hain handia izan da, salatu duenez, eta kasu bat aipatu du, biluzik korrika egitera behartu zuten aktibista batena, “zaindariek barre egiten zuten bitartean”. "Hori da ekintzaileek jasan behar izan zuten umiliazio maila", gaineratu du.
Zure interesekoa izan daiteke
Milioika lagunek eman diote azken agurra Ali Khameneiri
Mendekua eta Donald Trump Ameriketako Estatu Batuetako Presindetearen heriotza eskatuz, ehunka milaka dira gaur ere Ali Khameneiri azken agurra ematen ari direnak Teheranen. Haren hiru seme ikusi ahal izen dira hilkutxaren aldamenean otoiz egiten, baina ez haren ondorengo izendatu zuten Motjaba Khamenei.
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.
Aita santuak omenaldia egin die hildako migratzaileei Lampedusan, eta Frantziskoren ondarea omentzea eskertu du
Leon XIV .a aita santuak larunbat honetan Italiako Lampedusa uhartera egindako bisitan esan duenez, Mediterraneo itsasoan izandako milaka hildakoak "hartutako erabakien" eta "ahaztutako erabakien" biktima dira, eta migrazio dramaren aurrean axolagabekeria salatu zuen.
Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
AEBk inoiz izan duen hedapen handiena duela goraipatu du Trumpek Independentziaren Egunean
AEBren nagusitasun militarra aldarrikatu du Trumpek, baita XX. mendeko gatazka handietan izan duen paper historikoa ere: "Armadarik indartsuena eta boteretsuena sortu dugu".
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.