Venezuelako hauteskundeak "ezin dira demokratikotzat jo", Carter Zentroaren arabera
Carter Zentroak, Venezuelako hauteskundeetan behatzaile lana egin zuen taldeak, adierazi du prozesuak ez zuela "bat egin" nazioarteko estandarrekin, hauteskundeen oinarriei dagokienez, hori dela eta, "ezin da demokratikotzat jo".
"Carter Zentroak ezin du baieztatu edo egiaztatu Venezuelako Hauteskunde Batzorde Nazionalak ezagutarazi zituen emaitzak presidentetza hauteskundeei buruz", azaldu du Zentroak ohar baten bidez.
Organizazioaren esanetan, Nicolas Maduro garailetzat jo duen hauteskunde erakundeak ez ditu jakitera eman emaitzak mahaiz mahai, eta hori "hauteskundeetako oinarrien urraketa larria da".
Arazoak "okerrera egin zuen kanpoaldean, atzerrian dauden hiritarrek aurre egin behar izan zieten neurririk gabeko oztopo legalei, batzuk arbitrarioak, erroldan izena emateko".
Oposizioaren aurkako prozesua
Nicolas Maduro Venezuelako presidenteak ohartarazi duenez, "herrialdea kriminalitatearen, indarkeriaren, manipulazioaren eta gezurraren bidez bereganatzeko Estatu Batuen inperialismoaren eta eskuin mutur faxistaren nazioarteko oldarraldi bati aurre egiten ari dio" herrialdeak. Ondoren, Madurok Maria Corina Machado oposizioko burua eta Edmundo Gonzalez Urrutia oposizioko presidentegaiaren aurkako prozesua abiaraztea eskatu du.
"Ez da zigorgabetasunik egongo terroristen zurrunbiloaren aurrean. Venezuelan gertatzen ari den guztiaren erantzule egiten dut González Urrutia, indarkeria kriminalarena, gaizkileena, zaurituena, hildakoena, suntsipenarena. Zeu izango zara erantzule zuzena, Edmundo González Urrutia eta María Corina Machado. Justiziak iritsi behar du, Venezuelan justizia egon behar da, ezin zaio herriari eraso egin ", baieztatu du, Efecto Coque albiste atariak.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.