Zaporizhiako zentral nuklearrean sua piztea leporatu diote elkarri Ukrainako eta Errusiako agintariek
Ukrainako eta Errusiako agintariek elkarri leporatu diote bart Zaporizhiako zentral nuklearrean piztutako sutea eragitea. Errusiak Ukraina inbaditu zuenetik agintari errusiarren kontrolpean dago.
Rosatom Errusiako agentzia atomikoaren esanetan, sua bi drone ukrainarrek eragin dute. Ordu batzuk geroago, Zaporizhiako administrazio militar-zibilaren bozeramaileak zabaldutako informazioaren arabera, sutea erabat itzali dute. Errusiako iturrien arabera, drone "kamikazeak" Nikopol hiritik jaurti zituzten, Dnieper ibaiaren mendebaldeko ertzetik.
Bestalde, Volodimir Zelenski Ukrainako presidenteak salatu duenez, "okupatzaile errusiarrek sute bat eragin dute zentral nuklearraren eremuan", eta erradiazio maila balio normalen barruan badago ere, "terrorista errusiarrek zentral nuklearraren kontrola duten bitartean, egoera ez da normala izango". X sare sozialean zabaldutako mezu batean azaldu duenez, Ukrainak zentralaren kontrola berreskuratu arte egoera ez da normalduko.
Ukrainak zentralaren kontrola berreskuratu arte ez dela egoera normalduko.
Zaporizhiako zentral nuklearreko sei erreaktoreak geldialdi egoeran daude, eta, beraz, ez dago leherketa arriskurik, bertako agintari errusiazaleak azaldu duenez.
Hala ere, ez da Zaporizhiako sutea ez da Ukrainako gerrako arreta gune bakarra. Izan ere, Errusiako Kursk eskualdeko barruti bat jendez husteko eskatu dute azken orduetan bertako agintariek. Zehazki, Belovski barrutiko agintariek gune seguruetara joateko agindu diete herritarrei. Horrez gain, Belgorod eskualdeko gobernadoreak iragarri du Krasnoyaruzhski barrutiko (Ukrainarekin eta Kursk eskualdearekin muga egiten du) biztanleak "leku seguruagoetara" ebakuatzen hasiko direla. Iragan abuztuaren 6an soldadu ukrainarrak Errusiako Kursk eskualdeari eraso ondotik, borrokak gogortu dira inguru horretan.
Zure interesekoa izan daiteke
Batasuna eta elkartasuna, Parisko erasoetatik 10 urtera
Hamar urte igaro dira Frantzia gogor kolpatu zuenetik terrorismo jihadistak. Hiru komandok Parisko estadio bati, hainbat terrazari eta Bataclan aretoari eraso zieten, eta 132 pertsona hil. Gaurdaino luzatu da oinazea eta trauma kolektiboa, eta gaur, gaur, memoriarako egun honetan, egun haietako batasuna eta elkartasuna itzuli da.
EBko abokatu nagusiak Puigdemonten amnistiarako bidea argitu du: "Ez da autoamnistia bat"
Dean Spielmann Europar Batasuneko abokatu nagusiaren ustez, Espainiako amnistia legea ez dago terrorismoaren aurkako Europako zuzentarauaren aurka, baina babes judizial eraginkorrerako eskubidearekin gatazkak egon daitezkeela ohartarazi du.
AEBko administrazioa ireki dute: 43 egun iraun duen eta inoizko luzeena izan den itxialdiari amaiera eman diote
Donald Trump Ameriketako Estatu Batuetako presidenteak bart sinatu du administrazioaren itxierari amaiera eman dion legea. Urtarrilaren 30era arteko aurrekontua onartu dute, eta Ordezkarien Ganberak 2026rako partidak osorik onartu beharko ditu, berriro itxialdirik egon ez dadin.
Albiste izango dira: 10 urte Bataclan aretoko atentatuetatik, gutxieneko soldata propioa Eusko Legebiltzarrean eta Korrikaren aurkezpena
Gaurkoan Orain-en albiste izango direnen laburpena, bi hitzetan.
David Bataclanen bahituta eduki zuten: “Minutu oro oroitzen dut gertatutakoa, tenperatura, usainak, armak…”
Eraso jihadista batean, 132 pertsona hil ziren Parisen, 2015eko azaroaren 13an; gehienak, Bataclan aretoan. 10. urteurrena da, eta biziraun zuen David Fritz elkarrizketatu du EITBk. 10 lagunekin batera bahitu zuten, bi ordu eta erdiz. Haren aurrean jendea hil zuten. Bizipen hark traumak utzi dizkio, eta memorian iltzatuta ditu ikusitakoen irudiak. Terapia gisa, bi liburu idatzi ditu ordutik.
Macronen pentsioen erreforma bertan behera utzi du Frantziako Asanblea Nazionalak
2023an onartutako erreformak polemika piztu zuen hasieratik eta herrialdeak bizi izan duen krisi politikoaren arrazoi nagusiena izan da. Alderdi Sozialistak erreforma bertan behera uztea baldintza gisa jarri zuen Sebastien Lecornuren gobernua erortzen ez uzteko.
Krisia BBCn: Zer gertatu da eta zein dira hurrengo pausoak?
Tim Davie Erresuma Batuko irrati-telebista publikoaren zuzendari nagusiak eta Deborah Turness albistegien zuzendariak dimisioa eman dute, Trumpen hitzaldi baten manipulatutako bertsioa emititzeagatik.
Fung-wong tifoiak 27 hildako utzi ditu Filipinetan eta 3,6 milioi pertsonari eragin dizkio kalteak
Galerak oso handiak dira, milaka etxe suntsituta edo kaltetuta daude, 170.000 familia ebakuazio-zentroetan daude babes hartuta, eta komunikazioa oso zaila da, 37 zubi erori baitira, eta gutxienez 12 errepide nazional urak hartu ditu.
Manifestari talde bat Brasilgo COP30ean sartu da, milamilioidunenei zerga gehiago jarri diezaietela eskatzeko
Belemen, manifestariek Nazio Batuen Erakundeak kudeatzen duen COP30eko gune urdinean sartzea lortu dute. Amazoniako petrolio-ustiategien aurka protesta egin dute eta milamilioidunenek ingurumen-zergak handiagoak ordaindu ditzatela eskatu dute. Lula presidentearen aurkako mezuak ere zabaldu dituzte, Amazoniaren egoera ofizialki onartzen dena baino okerragoa dela salatuz.
Sarajevoko setioan zibilei tiro egitearen truke ordaindu omen zuten italiarrak ikertzen ari da Milango Fiskaltza
Alessandro Gobbis fiskalak ikerketa bat ireki du eskuin muturrarekin lotura duten italiar batzuei buruz. Sarajevoko setioan (1992-1996) frankotiratzaile gisa jarduteko 100.000 euro ordaintzea egozten diete.