Nabil Qaouk Hezbollahko buruzagia hil du Israelek Beiruten egindako beste bonbardaketa batean
Israelgo Armadak Nabil Qaouk Hezbollah erakunde xiitako Segurtasun Prebentiboko komandantea hil duela jakinarazi du igande honetan, atzo Beirut hegoaldean, Dahieh auzoan, egindako bonbardaketa batean. Hezbollahk berak ere baieztatu du haren heriotza.
Bonbardaketa hori Hassan Nasrallah hil zuen bonbardaketaren biharamunean egin du Israelek.
"Qaouk Hezbollah erakunde terroristaren buruzagitzatik gertu zegoela uste dugu", adierazi du Israelgo Armadak goizean zabaldutako komunikatu batean. Qaouk 1980an batu zen Hezbollahra, eta Libano hegoaldean diputatu izatera iritsi zen erakundearen izenean. Iturri horien arabera, ohikoa zen Qauok komunikabideetan agertzea, talde xiitaren ordezkari gisa.
Israel Hezbollahren kontra ari delakoan Libanon egiten ari den erasoaldian mila lagunetik gora hil dira jada, bai herrialdearen hegoaldean, bai Bekaa haranean, baita Beirut hiriburuan ere.
Hassan Nasrallahren hilketaren ostean egindako lehen adierazpen publikoan, Benjamin Netanyahu Israelgo lehen ministroak esan zuen "lorpen handia" izan dela baina oraindik ere "lana" dagoela egiteko eta "datozen egunetan erronka garrantzitsuak" izango dituztela.
Hezbollah talde xiitak, bestalde, beste galera garrantzitsu baten berri eman du igande honetan. Hala, Beirut hegoaldeko Dahieh auzoan Hassan Nasrallah hil zuen erasoan Ali Karaki komandante historikoa ere hil zela iragarri du.
Hezbollahk zabaldutako oharraren arabera, Karaki taldeko operazioen burua zen Libano hegoaldean 1982tik. Hori dela eta, paper "historikoa" izan zuen Israelek eskualde hori 2000. urtean inbaditu zuenean, baita aldeek 2006ko udan egindako gerran ere. Era berean, urriaren 8an, Gazako gerra piztu eta hurrengo egunean, hasi ziren mugako borroketan, zuzendari izan zen.
Israelgo Armadak azaldu duenez, Hezbollahko 20 kide baino gehiago "desagerrarazi" zituen ostiraleko operazioan.
Milioi bat desplazatu Libanon azken egunotan, Israelen erasoen ondorioz
Israelek Libano hegoaldean eta ekialdean inoiz egin duen erasoaldirik bortitzenaren ondorioz, milioi bat pertsonak alde egin behar izan dute etxetik, Libanoko lehen ministro Najib Mikatiren esanetan.
"Libanon, historian izan den desplazamendu operazio handiena izan da", adierazi du agintariak prentsaurreko batean.
"Desplazamenduen kudeaketa ez da soilik pertsona horiei aterpea eta janaria aurkitzea, beste gauza batzuk ere badaude, harrera zentro horietan osasun zerbitzua bermatzea, adibidez, gaixotasunak zabaltzea ekiditeko, eta zabor pilaketen arazoa saihestea ere bai", azaldu du Mikatik.
Libanok 6 milioi biztanle baino gutxiago ditu, eta ehunka aterpetxe ireki behar izan ditu Gobernuak desplazatuentzat, astelehenean Israel Hezbollah talde xiitaren gune nagusiak bonbardatzen hasi zenetik.
Zure interesekoa izan daiteke
?fmt=webp-alpha&qlt=80)
Artemis II misioak Lurrera itzultzeko bidaia hasi du Ilargiaren aurpegi ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekin komunikazioa galdu dute 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu ahal izan dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.