Israelek Yemen bonbardatu du, eta gutxienez 24 pertsona hil ditu
Huthiek Tel Aviveko Ben-Gurion aireportura misil balistiko bat jaurti izana jakinarazi eta biharamunean, Israelgo Armadak "eskala handiko" operazio bat abiatu du, eta Yemengo zenbait gune estrategiko bonbardatu ditu. Gutxienez, 24 pertsona hil eta 16 zauritu dira.
Saba huthien albiste agentziak jakitera eman duenez, Al-Hudaida eta Ras Isa Yemengo portu garrantzitsuenei eraso die Israelek, baita bi instalazio elektrikori ere.
Israelgo Armadak berak ohar bat kaleratu du, operazioaren berri emateko: "Dozenaka hegazkinek huthien erregimen terroristaren gune militarrei eraso diete Yemengo Ras Isa eta Al-Hudaida eremuetan. Erasotutako azpiegituren eta portuen bidez, erregimen huthiak Irango armak garraiatzen ditu eskualdera, baita hornikuntza militarrak eta petrolioa ere. Huthiek Israelgo Estatuaren aurka egindako azken erasoei erantzuteko egin dugu erasoa".
Israelgo Armadako ordezkariek azaldu dutenez, "Israelgo herritarrei mehatxu egiten dien ororen kontra joateko asmoa dugu, dagoen distantziara dagoela". Yemen Israeldik 1.800 kilometrora dago, zehazki.
Aurretik ere egin du erasorik Israelek Yemenen. Uztailean, gutxienez sei zibil hil zituen Al-Hudaidako portuaren aurkako ekintza batean. Petrolioa biltegiratzeko 20 bat depositu eta zentral elektriko bat bonbardatu zituzten orduan.
Iazko azarotik, Israelekin lotutako itsasontziei eraso egiten diete huthiek Itsaso Gorrian, eta jaurtigaiak bota izan dituzte Israelen kontra.
Yemenen kontrako erasoak bat egin du denboran Israel Libanon egiten ari den bonbardaketekin, Gazan egiten ari den sarraskia alde batera utzi gabe.
Albiste gehiago mundua
Itxaropenerako leihorik ez: Askatasunaren Ontzidia berriro itsasoratu da
Handala ontzia igande honetan itsasoratu da berriro Gazako Zerrendara bidean.
Sute handi batek Coloradoko Arroila Handiko azpiegitura historikoak suntsitu ditu
Baso-sute batek 1928an ireki zituen Arroila Handiko aterpetxe historiko bat eta Arizonako 80 bat azpiegitura suntsitu ditu. Katie Hobbs gobernadoreak Estatu Batuetako gobernu federalak egindako ezbeharraren kontrola ikertzea eskatu du.
Islandian sumendi bat erupzioan sartu da hamabigarren aldiz azken bost urteetan
Erupzioa Sundhnukeko kraterrean eman da, Grindaviketik iparraldera eta Islandiako hiriburu Reykjaviketik eta Aintzira Urdin ospetsutik gertu. 700 eta 1.000 metro bitarteko luzera duen pitzadura bolkanikoa da, laba eta errauts bolkanikoa kanporatzen hasi da eta iparralderantz hedatzen ari da.
Israelek Damaskoko kuartel militarraren inguruak bonbardatu ditu
Eguneko bigarren erasoa da kokapen horretan bertan, Siria hegoaldeko borrokek jarraitzen duten bitartean. Erasoetako batek eraikina bete-betean jo du lehen datuen arabera.
Israelek Gazaren aurka egindako erasoek 100 pertsona baino gehiago hil dituzte astelehenetik
Zaurituei dagokienez, azken 24 orduetan 200 baino gehiago iritsi dira Zerrendan martxan jarraitzen duten ospitale bakanetara, iparraldean ez baitago zabalik bakar bat ere.
Frantziako Gobernuak 43.800 milioi euroko doikuntza egingo du 2026ko aurrekontuetan
Bayrou lehen ministroak neurri azpimarragarriak iragarri ditu; hala nola, pentsioak izoztea, enplegu publikoa eta gizarte- eta osasun- arloko gastuak murriztea eta jai egunak gutxitzea.
Putinen alternatibak, AEBren mehatxuaren aurrean
Vladimir Putinek Donald Trumpek ezarritako epemugari egin beharko dio aurre, Ukrainarekin gerrari amaiera emango dion akordio bat lortzeko. 50 egunen buruan ez bada bakerantz aurrerapauso zehatzik ematen, Etxe Zuriak erantzun egingo du.
Trumpek % 100eko muga-zergak ezarri nahi dizkie Errusiako produktuei, eta aliatuek finantzatutako armak Ukrainara bidaltzea adostu du NATOrekin
Trumpek iragarri du 50 eguneko epean Errusiako produktuei % 100eko muga-zergak ezarriko dizkiela, baldin eta Moskuk Ukrainarekin su-etena eta bake prozesua hastea ahalbidetuko duen akordiorik egiten ez badu. Era berean, iragarri du Ameriketako Estatu Batuek (AEB) armak bidaliko dizkiela NATOko herrialdeei, eta haiek arduratuko direla finantzatzeaz eta Ukrainara eramateaz.
EBk ohartarazi du Trumpek % 30eko muga-zerga ezartzeak bien arteko merkataritza etetea ekarriko lukeela
Donald Trumpek AEBko presidenteak iragarri du % 30eko muga-zergak ezarriko dizkiela Europar Batasuneko produktu guztiei, abuztuaren 1etik aurrera. Brusela prest agertu da negoziatzen jarraitzeko, nahiz eta "beharrezkoa" izanez gero, neurriak hartzeko aukera zabalik utzi duen.
Askatasunaren Ontzidia berriro Gaza bidean da, 58.000 hildakoen doluan
'Handala' ontzia Siziliatik abiatu da laguntza sinbolikoarekin. Bien bitartean, Israelen azken bonbardaketek beste 37 hildako utzi dituzte.