Israelek "helburu militarrak" bonbardatu ditu Iranen, eta gutxienez lau soldadu hil ditu
Israelgo Armadak "helburu militarren aurkako eraso zehatzak" egin ditu bart zenbait orduz Iranen, "Irango erregimenak Israelgo Estatuaren aurka hainbat hilabetetan egindako etengabeko erasoei erantzuteko".
"Iranek Israelen kontra egindako erasoen erantzuna amaitu dela esan dezaket", iragarri du Daniel Hagari Israelgo Defentsa Indarren bozeramaileak bertako 06:00ak aldera.
Hagarik azaldu du Iranen helburu militarren aurkako "eraso zehatzak" egin dituztela, "Israelgo Estatuaren aurkako mehatxuak galarazteko".
Irango Gobernuak bertan behera utzi ditu hegaldi guztiak erasoaren berri izan duenean, IRNA agentzia ofizialak zabaldu duenez.
Bertako hedabideen arabera, Israelen lehenengo erasoaldian Teheran mendebaldeko eta hego-mendebaldeko base militarrak izan dituzte jomugan, baina defentsa sistemak geldiarazi egin ditu misilak, nahiz eta kalte txiki batzuk izan diren eta gutxienez lau soldadu hil dituzten.
Iranek 180 misil jaurti zituen urriaren 1ean Israelen aurka Hassan Nasrallah Hezbollahren buruzagiaren eta Ismail Haniyeh Hamasen buruaren hilketei erantzunez.
Irango agintariek azkenaldian ohartarazi dute gogor erantzungo dutela Israelek eraso eginez gero.
AEBk Israel defendatu du, eta Hamasek Iranen burujabetza urratzea egotzi dio
AEBko agintariek Israelekin "erabateko konpromisoa" dutela berretsi dute, eta "Iranen mehatxuari" erantzuteko eskubidea aitortu diote. Lloyd Austin AEBko Defentsa Departamentuko idazkariak Israelgo Estatuaren "segurtasunerako eta autodefentsarako eskubidea" aipatu du gaurko erasoak justifikatzeko, eta jakinarazi du Yoav Gallant Israelgo Defentsa idazkariarekin hitz egin duela.
Hamas talde islamistak, bere aldetik, "indar guztiarekin" gaitzetsi du Israelek Iranen egindako erasoa, "Iranen burujabetzaren erabateko urraketa" delako eta "eskualdeko segurtasuna kolokan" jartzen duelako.
Ohar batean, "AEBk babestutako" Israelen erasoak eskualdean ondorioak izan ditzakeela ohartarazi du talde palestinarrak, eta Israelen izaera "kriminala" eta AEBren eta mendebaldeko beste herrialde batzuen "babes militar eta politikoa" salatu ditu.
Hezbollahk eraso "traidorea" gaitzetsi du eta AEBri babesa ematea leporatu dio
Hezbollah talde xiitak Israelek Iranen egindako eraso "traidorea" gaitzetsi du, eta AEBri ekintza hori babestu izana leporatu dio.
Era berean, Gazako zerrendan eta Libanon izandako "sarraskien, tragedien eta minaren erantzukizun osoa" duela adierazi du.
EBk "tentu handiz" jokatzeko eskatu du
Israelek Iranen aurkako erasoa egin ostean, Europar Batasunak (EB) "tentu handiz" jokatzeko eskatu du egoera "kontrolaezin" bihur ez dadin.
"Eraso eta errepresalia zikloak gatazka are gehiago zabaltzea ekar lezake", esan du ohar baten bidez EBren Atzerri Gaietarako eta Segurtasun Politiken bozeramaile Nabila Massralik.
Guterres gerraren hedapenagatik "oso arduratuta" agertu da
Antonio Guterres Nazio Batuen Erakundeko idazkari nagusia "oso arduratuta" agertu da Israelgo Armadak Iranen aurka egindako erasoaren aurrean, eta gaineratu du gerraren hedapenaren erakusgarri dela hori.
Era berean, "Gazako eta Libanoko ekintza militar guztiak bertan behera uzteko" eskatu die alde guztiei, eta "erabateko gerra eragozteko ahalegina egiteko eta bide diplomatikora itzultzeko".
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.