Indarrean da su-etena Libanon, Israelek Gaza kolpatzen jarraitzen duen bitartean
Euskal Herrian 04:00ak zirenean sartu da indarrean 60 eguneko su-etena Libanon, AEB eta Frantzia berme direla. Dena dela, Israelgo Armadak ohartarazi du herrialde arabiarraren hegoaldean dituen tropei eusten diela.
"Israelek eta Hezbollah taldeak adostutakoaren arabera, bihar (gaurko egunagatik) sartuko da indarrean, Libanon 04:00ak direnean. Libano eta Israel arteko mugako borrokaldiak eten egingo dira. Modu iraunkorrean eteteko akordioa da adostutakoa", iragarri du Joe Biden AEBk presidenteak Etxe Zuritik egin duen mezu batean.
Aurrez, Segurtasun Kabinetea, Israelgo ministro nagusiak eta segurtasun eta inteligentzia buruziak biltzen dituena, Tel Aviven batzartu da akordioa onartzeko. Akordio horrek ez du Gazako egoera aipatzen, eta, beraz, Israelgo Armadak etengabe erasotzen jarraitzen du Zerrendan.
Meniak hiru fase ditu: hastapeneko su-eten bat, non Hezbollahk Litani ibaiaren iparraldera egingo duen atzera; gehienez 60 eguneko epean, Israelen tropak Libanoko hegoaldetik erretiratuko dira, eta azkenik, Israelek eta Libanok bi herrialdeen arteko muga negoziatu beharko dute; izan ere, gaur egun banalerro bat dago, Lerro Urdina, NBEk 2006ko gerraren ondoren finkatutakoa.
Benjamin Netanyahu Israelgo lehen ministroak ohartarazi du Israelek "ekintza askatasuna" mantenduko duela Hezbollahk akordioa urratzen badu. "Su-etenaren iraupena Libanon gertatzen denaren araberakoa izango da, eta guk eskuak aske izango ditugu", adierazi du agintariak agerraldi batean. "Hezbollahk akordioa urratzen badu eta armatzen saiatzen bada, eraso egingo diogu. Azpiegitura terrorista berritzen saiatzen bada mugatik gertu, eraso egingo diogu. Kohete bat jaurtitzen badu, tunel bat zulatzen badu, kamioi bat misilekin ekartzen badu, eraso egingo diogu", ziurtatu du Netanyahuk.
Israelek Libanon egindako bonbardaketek 3.500 hildako baino gehiago utzi dituzte azken urtean, baita 1,2 milioi pertsona behartuta desplazatu ere. Israelen, 78 pertsona hil dituzte (horietatik, 47 zibilak), eta 60.000 inguru Hezbollahrekin izandako borroken ondorioz lekualdatu dira.
Lekualdatutako libanoarrei ez mugitzeko deia
Lehen fasearen baitan, Israelgo Armadak eutsi egingo die Libano hegoaldean dituen tropei, eta hala, jakinarazi du desplazatutako herritarrek "debekatuta" dutela euren bizilekuetara itzultzea.
Ildo beretik mintzatu da Libanoko Armada, eta lekualdatutakoei itxaroteko deia egin die. "Armadak deia egiten die herritarrei itxaron dezatela euren herri eta hirietara itzultzeko, etsai israeldarrak erretiratu arte. Mesedez jaramon egin militarrei, segurtasunaren izenean", azaldu du, ohar bidez.
Iranek pozez hartu du "Israelgo erasoen etena" Libanon
Irango agintariek pozez hartu dute Israelek Libano "erasotzeari utzi izana" eta babesa azaldu dio Libanoko Gobernuari eta "erresistentziari" —Hezbollah hizpide—. Esmaeil Baqaei Irango Atzerri ministroaren bozeramaileak goraipatu egin ditu Israelgo Gobernuak egindako "ahalegin diplomatikoak".
Bozeramaileak berriro salatu ditu Israelen "gerrazalekeria eta krimenak" eta horretarako AEBren aldetik izan duen "babes zabala".
Era berean, nazioarteari "presio eraginkorra" egiteko deia egin dio Gazako Zerrendako gerra geldiarazteko.
Antonio Guterres NBEren idazkari nagusiak ere txalotu egin du menia. Horren arabera, "espero dut akordio honek bi herrialdeek pairatu duten indarkeria, sufrimendua eta txikizioaren amaiera ekartzea".
Zure interesekoa izan daiteke
Trumpek esan du Zelenskirekin izan duen bilera "ona" izan dela
Donald Trump AEBko presidenteak Volodimir Zelenski Ukrainako buruzagiarekin Davosen egindako bilera amaitutakoan adierazi duenez, Ukrainako gerraren amaiera aztertzeko bilera "ona" izan da, eta bi aldeek bakea lortu nahi dutela esan du.
Defentsa gastua % 5era ez igotzeagatik "aprobetxategi" galanta izatea leporatu dio Trumpek Espainiari
"NATOren ia aliatu guztien konpromisoa dut Defentsara bideratzen duten gastua (BPGaren) % 5era igotzeko; guztiena, Espainiarena izan ezik... Ez dakit zer gertatzen den Espainiarekin", adierazi du Trumpek Davosen, Bake Batzordea eratzeko ekitaldian.
Trumpek berak sustatu duen Bake Batzordearen eratze-akta sinatu du
Davosko Foroaren (Suitza) auditorium nagusian egin da gaur goizean Bake Batzordea eratzeko ekitaldia. Hasiera batean, Gazarako bake plana ikuskatzeko sustatu du, baina orain beste gatazka batzuetara ere zabaldu nahi du.
Groenlandiako krisiari amaiera eman behar dion aurreakordioaren lau oinarriak
Asteazkenean AEBk eta NATOk Davosen (baina Munduko Ekonomia Forotik at) lortutako aurreakordioa lau zutabetan oinarritzen da. Horren barruan, Artikoko uhartean Urrezko Kupula izeneko misilen kontrako ezkutua eraikitzeko AEBko tropak ezartzeko akordioa birnegoziatzea eta Danimarkako lurralde autonomoan inbertsioak kontrolatzea sartzen dira.
Rutteren esanetan, Groenlandiako subiranotasuna "ez zen eztabaidatu" Davosen Trumpekin izandako bileran
Danimarkako Gobernuak "txalotu" egin du Trumpek "Groenlandia indarrez hartzea baztertu eta gerra komertziala bertan behera utzi izana". Mette Frederiksen Danimarkako lehen ministroaren esanetan, "gai politiko guztien inguruan negozia dezakegu: segurtasuna, inbertsioak, ekonomia. Baina ez dugu gure subiranotasunaren inguruan negoziatuko".
EBko 27en buruzagiak gaur bilduko dira erantzun bateratua adosteko, Trumpek mehatxuak erretiratu dituen arren
Washingtonekin gerra komertziala berriz irekitzea edo Trumpen "hertsaduraren" aurrean koertzioaren aurkako mekanismoa aktibatzea baloratu dute egunotan. Atzo, ordea, AEBko presidenteak iragarri zuen Europari muga-zerga berriak ezartzeko mehatxua bertan behera utziko zuela.
Europako Parlamentuak justiziara eraman du EB-Mercosur akordioa: orain zer?
Europar Batasuneko Justizia Auzitegiak 18 eta 24 hilabete bitartean eman ditzake erabakia hartzeko.
NATOrekin Groenlandiari buruzko aurreakordioa iragarri du Trumpek, eta muga-zergen mehatxua erretiratu du
Bestalde, Davosen egiten ari diren foro ekonomikoan eman duen hitzaldian, AEBko presidenteak ziurtatu du ez duela indarra erabili nahi Groenlandia bereganatzeko, baina erosi nahi duela berretsi du.
AEBko agintaldi erdiko hauteskundeak, Trumpen hurrengo "hordagoa"
Mid term hauteskundeak, edo agintaldi erdikoak, azaroko lehen astelehenaren ondorengo asteartean egiten dira, hauteskunde presidentzialik ez dagoen urteetan. Ordezkarien Ganberako kide guztiak aukeratzen dira (bi urterik behin berritzen da erabat), eta Senatuaren heren bat (sei urterako aukeratzen dira).
Europako Parlamentuak EB-Mercosur akordioa geldiarazi eta Europako justiziara bidali du
Europar Batasunak Hego Amerikarekin duen merkataritza libreko akordio polemikoa blokeko auzitegi gorenera bidaltzearen alde bozkatu du asteazken honetan Europako Parlamentuak, Batasuneko itunekin bateragarria den azter dezan. Bi urte ere jo dezake prozesuak, eta, akordioa ezereztera ere irits liteke.