Australiak debekatu egingo die sare sozialetara sarbidea 16 urtetik beherakoei
Australiako Senatuak lege aitzindari bat onartu du ostegun honetan, eta lehenengo herrialdea izango da 16 urtetik beherakoei sare sozialetan sartzea debekatuko diena. Araua hautsiz gero, Facebook, Instagram eta TikTok plataformek, besteak beste, 32,5 milioi dolarrerainoko (30,7 milioi euro) isunei aurre egin beharko diete.
Idatziak gaur jaso du Senatuaren oniritzia, aldeko 34 botorekin eta kontrako 19rekin, tartean oposizioaren babesarekin. Legeak haurrak eta nerabeak jazarpenetik eta osasun mentaleko arazoetatik babestu nahi ditu, eta kategoria berri bat sortu dute horretarako, "adin-murrizketak dituzten gizarte-hedabideen plataformak" izenekoa, 16 urtetik beherakoei —dagoeneko kontuak dituztenak barne— sare sozialetarako sarbidea debekatzeko.
Zigorrak
Anthony Albanese Australiako lehen ministro laboristak, neurriaren sustatzaileak, duela aste batzuk argitu zuen ez zaiela zigorrik ezarriko ez erabiltzaileei ez gurasoei, eta sare sozialen jabeek izango dutela adin-muga betearazteko ardura.
Ildo horretan, Australiako Segurtasun Elektronikoaren Batzordea arduratuko da araudiak argitaratzeaz, plataforma digitalek eta sare sozialek "arrazoizko neurriak" ezar ditzaten adingabeei sarbidea mugatzeko.
Bien bitartean, Meta eta Google erraldoi digitalek legedia atzeratzea eskatu dute aste honetan, Australiako Gobernuak adina egiaztatzeko proba teknologikoak amaitu arte. Proba horietan datu biometrikoak sar daitezke, legea ezarri ahal izateko.
10 nerabetik 8k ez dute inolako araurik ezta mugarik mugikorra erabiltzeko
Guraso askoren kezka iturri da seme-alabek telefono mugikorrarekin egiten duten erabilera eta konektatuta ematen duten denbora. Gaztetxoek 10 edo 11 urte betetzen dutenean eta lehendabiziko mugikorra eskuartean izaten dutenean adingabeen gaineko "kontrola galtzen dutela" sentitzen dute.
Hala ere, UNICEFen "Teknologiaren eragina nerabezaroan 2023" txostenaren arabera, 11 eta 15 urte bitarteko gazteen % 26,5i jarri dizkiete mugikorraren erabilerari buruzko arauak. % 22,1ek adierazi dute erabilera orduak mugatuta dituztela eta % 11,8k edukiak mugatuta dituztela.
Nerabe gehienak, baina, gurasoak aurrean ez daudenean konektatzen dira, eta ehuneko handi batek onartzen du arrisku-egoerak (sexu-proposamenak, ezezagunekin hartu-emanak, xantaiak, pornografia...) bizi izan dituela.
Albiste gehiago mundua
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.