Scholzek konfiantza-galdea galdu du, hauteskunde kanpaina gogorra iragarri duen eztabaida gogorraren ostean
Olaf Scholz Alemaniako kantzilerrak konfiantza-galdea galdu du astelehen arratsaldean Alemaniako Parlamentuan, hiru orduko eztabaida bizi baten ondoren. Eztabaida SDP alderdi sozialdemokrataren eta FDP liberalaren (Gobernu koalizioko kide ohiak, Berdeekin batera) arteko liskarrez eta baita oposizioko aurkari nagusiari (CDU) egindako erasoz betetakoa izan da.
Alemanian bizi den giro politikoak iradokitzen du otsailaren 23rako aurreikusita dauden hauteskundetarako kanpaina oso gogorra izango dela.
Botoa eman duten 717 diputatuetatik 394k konfiantza ukatu diote politikari sozialdemokratari. Alderdi berdeko 116 diputatuak abstenitu egin dira eta bere alderdiko 207ek aldeko botoa eman diote Scholzi. Saioa bukatu denean, Bellevue Jauregira joan da kantzillera, Frank-Walter Steinmeier Alemaniako presidenteari Parlamentua desegitea eta hauteskundeak deitzea eskatzeko.
Eztabaidan, Scholzek Christian Lindner Finantza ministro ohi liberalaren eta CDUko Friedrich Merz buruzagi kontserbadorearen aurka egin du. Lehenengoari Gobernu-koalizioa barrutik lehertu izana egotzi dio.
Gobernuaren eta oposizioaren arteko zatiketaren eragile nagusietako bat ekonomia izan da, batez ere gastua eta inbertsio publikoak. Scholzen Alderdi Sozialdemokratak eta Berdeek defizita urteko BPGaren % 0,35ean mugatzen duen araua erreformatu nahi dute. Liberalek erabat gaitzesten dute proposamena eta kontserbadoreek eszeptizismoz begiratzen diote.
Politika sozialaren arloan ere alde handiak daude. Alderdi kontserbadoreak (CDU, CSU eta FDP) arlo horretan murrizketak egiteko prest agertu dira. Scholzek gogorarazi du 2021ean "Errespetua" leloarekin irabazi zituela hauteskundeak, eta gaineratu du "errespetua merezi dutela urtean 200.000 euro irabazten dituenak zein egunero gutxieneko soldata kobratzeko lan egiten duenak".
Bestalde, Merzek erantzun dio "Bigarren Mundu Gerraren ostean izandako krisi handienetako batean" utzi duela herrialdea, eta orain sinetsarazi nahi duela "horrela jarraitu behar dela, gazteen belaunaldiaren kontura zorpetu behar dela eta gehiago gastatu behar dela".
Hala ere, eztabaida gogor baten erdian, argi gelditu da denak jakitun direla ziurrenik hurrengo Gobernua ere koalizioa izan beharkoa dela.
Zure interesekoa izan daiteke
Israelek 366 palestinar hil ditu su-etena indarrean sartu zenetik
Israelgo armadak palestinarrei tiro egiten jarraitzen du "lerro horia" deituriko mugatik, gehiegi hurbiltzen direla argudiatuz. Herritar gehienek ez dituzte muga horiek ezagutzen.
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.
Gazan, 54 bikotek bizitza ospatzea erabaki dute, ezkontza handi-handia eginda
Bi urtez Israelen eraso etengabeak pairatu ostean, sarraskia atzean utzi eta ospakizunari ateak ireki dizkiote Gazan. 54 bikote ezkondu dira bonbardaketek txikitutako eraikinen artean. Ekitaldia Arabiar Emirerri Batuek antolatu dute, eta esperantzaren sinbolotzat hartu.
EBk erabaki du 2027rako Errusiako gas naturala inportatzeari uztea
Hungariak eta Eslovakiak iragarri dute plana Europar Batasuneko Justizia Auzitegira eramango dutela.
Zergatik da Groenlandia giltzarria lur arraroen lasterketan?
Groenlandian ustiatu gabeko lur arraroen aztarnategi handienetako batzuk daude. Ezinbesteko elementuak dira garapen teknologikorako, eta, hori dela eta, guztiek dute begiz jota Artikoko lurralde hori. Baina, zer nahi dute Groenlandiako biztanleek beren etorkizunerako? Mikel Reparaz, ETBko nazioarteko burua, han izan da.
Federica Mogherini EBko diplomaziaburu ohia inputatu dute, kontratazio publikoan iruzurra eta ustelkeria leporatuta
Europako Batzordearen presidenteorde izandakoa eta gaur egun Europako Elkargoko egungo errektorea dena atxilotu dute, beste bi pertsonarekin batera. Europar Batasunak gazte diplomatikoentzat finantzatutako formakuntza programa batekin lotuta iruzurra egitea leporatu diote.
Venezuelaren barruko erasoak "oso laster" hasiko direla esan du Trumpek
AEBko presidenteak beste herrialde batzuk bonbardatzeko aukera ez du baztertzen: “Drogak ekoizten edo horiek Estatu Batuetan saltzen dituen edonor dago jomugan".
Putinek ez ditu ontzat eman Europak Ukrainarako bake-planari egindako proposamenak
Errusiako presidenteak salatu duenez, Europako herrialdeek —batez ere, Frantziari, Alemaniari eta Erresuma Batuari egin die erreferentzia—, Moskurentzat "onartezinak" diren eskakizunak jaso dituzte bake-planean. Haren hitzetan, "bake-prozesu osoa blokeatzea" nahi dute.