Gisèle Pelicotek epaia "errespetatzen" duela adierazi du: "Ez naiz damutzen aurpegia eman izanaz"
Hilabetez luzatu den Pelicot auzia amaierara iritsi da. Gisèle Pelicotek "errespetua" agertu dio Dominique Pelicot senar ohiaren eta gainerako 50 gizonen kontrako epaiari, eta berretsi du ez duela damurik epaiketa ateak zabalik egiteko hartutako erabakiaz. 20 urteko kartzela zigorra ezarri diote Dominique Pelicot akusatu nagusiari, eta kargu guztiengatik errudun jo. Gainerako 50 auzipetuak 3 eta 13 urte arteko kartzela zigorrera kondenatu dituzte.
Gisèle Pelicot abokatu eta senitartekoek babestuta iritsi da Avignongo auzitegira. Atean ehunka lagun zituen zain, babesa ematen, eta txalo artean sartu da epaitegira. Epaiaren berri izan ondotik, bi minutu inguru iraun duen agerraldia egin du 72 urteko emakumeak Avignonen, eta adierazi du "oso emozionatuta" dagoela.
Hitzaldian, epaiaren aurrean "errespetu" osoa adierazi du, eta prozesu honek guztiak "aitortu gabeko biktimentzat" ere balio duela esan du. "Une honetan, aitortu gabeko biktimengan ari naiz pentsatzen, askoren istorioak itzalean daude, eta nahi dut borroka berean gaudela jakin dezaten", ziurtatu du Pelicotek epaiaren berri izan orduko. Halaber, epaiketa berarentzat "oso froga zaila" izan dela onartu du. Bide beretik esan du "epaiketa publikoa" izateaz ez dela "sekula" damutu.
Bi minutu inguruko hitzaldian eskerrak eman dizkie prozesuan zehar lagundu dioten pertsona guztiei, baita haren abokatuei, kazetariei, biktimei laguntzeko elkarteei eta, batez ere, familiari, hiru seme-alabei eta lau bilobei: "Haiek dira etorkizuna, eta haiengatik eraman nahi izan dut aurrera borroka hau", esan du .
Avignongo Zigor Auzitegitik atera denean, "Eskerrik asko, Gisèle!" oihukatu du kanpoan bildutako jendetzak.
Avignongo Zigor Auzitegiak 20 urteko kartzela zigorra ezarri dio Dominique Pelicot akusatu nagusiari (Frantzian bortxaketagatik ezar daitekeen zigorrik handiena), eta leporatzen zizkioten kargu guztiengatik errudun jo. Dominique Pelicotek hamar urtez Gisèle Pelicot emaztea konortea galtzeraino drogatu zuen berak eta beste gizon batzuek bortxatzeko.
Pelicotek (72 urte) zigorraren bi herenak bete beharko ditu, baina ostean baldintzapeko askatasuna eskatzeko aukera izango du.
Gainerako 50 akusatuak ere errudun jo ditu auzitegiak, horietatik 47 bortxaketa delituagatik zigortu ditu, eta gainerakoak bortxaketa ahaleginagatik edo sexu erasoengatik. Hala ere, zenbait kasutan Fiskaltzak eskatutakoak baino zigor arinagoak ezarri dizkie epaimahaiak.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.