AEBk aurrekontuak luzatu ditu errepublikanoen eta demokraten babesarekin, eta Gobernuaren itxiera galarazi du
AEBko Senatuak aurrekontu federalak luzatzea lortu du errepublikanoen eta demokraten babesarekin, eta Gobernuaren itxiera galarazi du, akordioa epez kanpo iritsi bada ere.
Ordezkarien Ganberak ordu batzuk lehenago onartua zuen aurrekontuak luzatzea, aldeko 366 botorekin eta kontrako 34rekin, eta Senatuaren onarpena (85 alde eta 11 kontra) gauerdia (epemuga) jo eta 40 minutura iritsi da.
Goi Ganberak aurrekontuari oniritzia eman ostean, testua Etxe Zurira bidali dute, Joe Biden presidentearen sinadurarekin indarrean jar dadin.
Etxe Zuriak, gauerdia igaro denean, aurreratu du ez zuela Gobernua ixteko neurririk hartuko, bazekielako Kongresuak onartu egingo zituela aurrekontuak.
Administrazio federalaren itxierak soldatarik gabe utziko zituzkeen milaka eta milaka langile publiko, eta herrialdeko agentzia nagusiak zerbitzu minimoetan lanean.
Aurrekontuak onartuta, Gobernuak 2025eko martxoaren 14ra arte izango du finantzazioa. Bigarren aurrekontu proposamena da onartutakoa, Donald Trump presidente hautatuak asteazkenean errepublikanoek eta demokratek egindako akordioa bertan behera utzi ostean.
Trumpek eta Elon Muskek ituna haustera behartu zituzten kongresista errepublikanoak, gehienezko zorraren araua testutik kentzeko asmoz.
Proposamen horrek, baina, porrot egin zuen Behe Ganberan, demokratak eta errepublikano batzuk aurka agertu zirelako.
Alderdi barruan eztabaidatu ostean, Mike Johnson Ordezkarien Ganberako presidenteak (errepublikanoa da) antzeko testu bat aurkeztu zuen ostiralean, gehienezko zorraren puntua kenduta, eta azkenean aurrera atera da.
2025eko martxoaren 14ra arte aurrekontu federalak ziurtatuko dituen neurria onartuta (ordurako Trump izango da presidente, urtarrilaren 20ko inbestiduraren ostean), 100.000 milioi dolar izango ditu AEBko Gobernuak hondamendi naturalen prebentziorako, eta 10.000 milioi laborarientzat.
Trumpek gehienezko zorraren araua kentzea lortu ez badu ere, litekeena da gaia berriro mahai gainean jartzea martxoan, aurrekontua amaitzen denean. Legegintzaldi berria hasita egongo da ordurako, eta errepublikanoek izango dute agintea bi ganbaretan.
Administrazioa 20 bat aldiz geratu da finantzaziorik gabe 1976tik, baina gehienetan egun batez baino ez.
Gobernuaren itxiera luzeena, 35 egunekoa, Trumpen lehenengo agintaldian (2017-2021) gertatu zen, 2018ko gabonen atarian, AEBren eta Mexikoren arteko mugan agintari errepublikanoak altxatu nahi zuen hesiak errepublikanoen eta demokraten artean sortutako desadostasunengatik.
Zure interesekoa izan daiteke
Macronek eta EBk babesa adierazi diote Espainiari, Trumpen mehatxu komertzialen aurrean
Sanchezek esker ona adierazi du, EBko erakunde nagusietako presidenteek eta Europako bazkideek (Frantziak, esaterako) laguntza eskaintzeko dei eta mezuak bidali dizkiotelako.
Israelek Iranek izendatutako edozein buruzagi hil egingo duela ohartarazi du Israel Katz Defentsa ministroak
Israelgo aireko armadak asteartean eraso egin zion Ali Khamenei aiatolaren ondorengoa aukeratzeko Adituen Batzordea biltzekoa zen eraikinari, Qom hiri santuan, izendapen prozesua etenarazteko ahaleginean. Hala ere, une horretan 88 erlijio-gizonak ez zeuden eraikinean bilduta.
Trumpek Espainiarekin duen merkataritza-harremana etengo duela mehatxu egin du, Irango gerrarekiko duen jarreragatik
Espainiako Gobernuak Trumpi erantzun dio, eta nabarmendu diu NATO eta Europako Defentsa konpromisoak bete egiten dituela. Era berean, ohartarazi dio EBren eta AEBren arteko akordioak errespetatu beharko dituela, aldebiko harremanak berrikusi nahi baditu.
Sidenor auziko epaileak mediku palestinar bat onartu du biktima eta akusazio partikular gisa
Akusazio partikular horrekin, Sidenorreko hiru arduradunak kontrabando delituaz gain, genozidio delituaren, gizateriaren aurkako delituaren eta gatazka armatuan babestutako pertsonen eta ondasunen aurkako delituan konplize gisa ikertu ahal izateko baldintza beteko litzateke. Fiskalak Sidenorreko erregistroak baliogabetzeko eskatua zuen, eta kontrabandoa ez beste delituen akusazioak erretiratzea, hain zuzen ere, baldintza hori betetzen ez zelako. Ikusteko dago, orain, ikerketak zer norabide hartuko duen.
Von der Leyenek Ekialde Hurbileko krisiaren "ondorioei" aurre egiteko prest egotea eskatu dio EBri
Frantzia prest agertu da Iranen erasoen aurrean Golkoko eta Jordaniako herrialdeen defentsan parte hartzeko, eta Alemaniak, berriz, baztertu egin du Iranen aurkako erasoarekin bat egitea, eta bere tropek eskualdean duten papera autodefentsara mugatuko du.
Israelek Iranen lur azpiko kuartelei eraso die, Teheranen
Israelgo Armadaren arabera, 100 eraso baino gehiago egin ditu lurpeko kuartelen kontra, eta jaurtitzeko baseak eta misil balistikoak ere suntsitu ditu. Azpimarratu duenez, "behar beste denbora" iraungo du gerrak . Larunbatetik, 555 pertsona hil dituzte Iranen, Ilargi Gorriaren arabera.
Petrolioaren prezioak gora egin du eta gorabeherak daude itsas eta aire trafikoan, Ormuzko itsasarteko tentsioaren ondorioz
Ontzi enpresa nagusiek ez dute handik igaro nahi, eta zer gertatuko zain daude. Halaber, 3.000 hegaldi baino gehiago bertan behera utzi dituzte asteburuan, Ekialde Hurbileko gatazka lehertu denetik.
Albistea izango dira: Gatazka Iranen, Makina-Erremintaren Azoka eta martxoaren 3aren aurreko eguna
Gaurkoan Orain-en albiste izango direnen laburpena, bi hitzetan.
Hezbollak Libanotik eraso dio Israeli, eta Israelgo Armadak Beirut bonbardatu du
Donald Trump AEBko presidenteak Venezuelaren antzeko trantsizioa proposatu du Iraneraok, eta erasoaldiak "lau aste edo gutxiago" iraun dezakeela adierazi du.
EBk ohartarazi du Ekialde Hurbilak asko duela galtzeko gerra batekin, eta "moderazioa" eskatu du
Europar Batasuneko Kanpo ministroek azken orduotako erasoak salatu dituzte, eta Ormuzko itsasartean zirkulazioa etetea saihesteko eskatu dute, besteak beste.