Austriako presidenteak Kickl ultraeskuindarrari eman dio gobernua osatzeko ardura, demokrazian lehen aldiz
Alexander Van der Bellen Austriako presidenteak Herbert Kickl FPO eskuin-muturreko alderdiaren buruari eman dio gobernua osatzeko zeregina, kontserbadoreen, sozialdemokraten eta liberalen arteko negoziazioek porrot egin ostean.
Gaur goizean Kicklekin ordubetez batzartu ostean, estatuburuak esan du OVP alderdi popularrarekin koalizio gobernua osatzeko negoziazioa abiatzeko agindua eman diola.
"Kickl jaunak nahikoa konfiantza badu gobernua osatzeko negoziazioetan irtenbide bideragarriak bilatzeko, eta ardura hori hartu nahi du. Ondorioz, OVPrekin gobernua osatzeko elkarrizketak abiatzeko eskatu diot", azaldu du Van der Bellenek.
"Ez dut pauso hau emateagatik eman, gure Konstituzioaren printzipio eta arauak ongi betetzen direla egiaztatzen jarraituko dut", gaineratu du presidenteak, iraganean Kickl buru izango lukeen gobernu baten aurka agertu zen arren.
Historian lehenengo aldiz eman diote gobernua osatzeko agindua eskuin-muturreko FPO alderdiari, irailaren 29ko hauteskundeetan % 29ko babesarekin garaipena eskuratu baitzuen.
"OVPk atzera egin du, eta jada ez du erabat errefusatzen Kicklekin lankidetza abiatzea. Hori da egoera berria", esan du Van der Bellenek Christian Stocker kontserbadoreen buru berriak igandean iragarri zuenaren harira.
Stockerrek Karl Nehammerren postua hartu zuen atzo, hark larunbatean kantziler gisa dimisioa eman ostean. OVPren, SPO sozialdemokrataren eta Neos liberalaren artean hiruko gobernua osatzeko ahaleginak porrot egin ostean erabaki zuen kargua uztea.
Nehammer Kicklekin koalizioa osatzearen aurka zegoen, jarrera xenofoboak, errusiaren aldekoak eta Europar Batasunaren aurkakoak leporatzen baitizkio.
Stockerrek, orain arte OVPren idazkari nagusi izan denak, baina, FPOrekin koalizio gobernua negoziatzeko prest dagoela esan berri du.
Kickl Barne ministro izan zen Sebastian Kurz kantziler kontserbadorearen garaian, 2017tik 2019ra.
Koronabirusaren aurrean hartutako neurriak ez ezik, Ukrainari ematen zaion babesa eta Errusiaren aurkako isunak ere kritikatu ditu. Austriak, neutrala izanik, NATOrekin duen lankidetza eta Europar Batasuna bera kritikatzen ditu.
Kicklen aliatu nagusietako bat Viktor Orban Hungariako lehen ministro ultranazionalista da, eta harekin batera osatu zuen Europako Patriotak, Europarlamentuko hirugarren talde handiena.
Gainera, FPOk harreman estua du Alternatiba Alemaniarentzat (AfD) eskuin-muturreko alderdi alemaniarrarekin. Justiziak ikerketapean du alderdi politiko hori, mezu naziak zabaldu dituen argitzeko.
Hain zuzen ere, buruzagi nazi ohiek sortu zuten FPO alderdia Bigarren Mundu Gerraren ostean, eta herrialdeko eskuin-mutur osoa barne hartzen du.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.