Trumpek gerra komertziala deklaratu dio Europar Batasunari, eta muga-zergak ezarriko dizkio
Donald Trump AEBko presidenteak iragarri du muga-zergak ezarriko dizkiela AEBko produktuak zergapetzen dituzten herrialdeei, herrialde horiek AEBko esportazioei aplikatzen dizkieten tarifen parekoak jarrita. Erabaki horren kaltetu nagusietako bat Europar Batasuna izango da.
"Justizia arrazoiengatik, muga-zergak ezartzea erabaki dut, eta horrek esan nahi du herrialde batek AEBri ordainarazten badio guk gauza bera kobratuko diogula, ez gehiago ez gutxiago", azaldu du Trumpek Bulego Obalean.
Muga-zerga berriak ez dira berehala sartuko indarrean, "asteak" edo "hilabeteak" igaroko dira, eta AEBrekin merkataritza defizit handiena duten estatuak zigortuko dituzte, goi-funtzionario batek memoranduma sinatu aurretik azaldu duenez.
"Mundu guztia AEBz aprobetxatu da, eta prezio altua ordaindu dugu horregatik. Ameriketako Estatu Batuek herrialde askori lagundu die, finantza kostu handiarekin urteetan zehar. Bada garaia herrialde horiek euren alde egin duguna gogoratzeko eta gu modu justuan tratatzeko", adierazi du Trumpek.
Trumpek sinatutako agiriak AEBrentzat nazioarteko merkataritzan tratu "bidegabea" eragin duten bi alde ditu hizpide: beste estatu batzuek AEBko esportazioei ezarritako muga-zergak eta "muga-zergarik gabeko hesiak" deiturikoak, araudietatik hasi eta dibisa-trukeagatiko tasetaraino.
Estatu bakoitzak muga-zerga pertsonalizatuak izango ditu, aipatu funtzionarioaren arabera. Ez da % 10eko edo % 25eko tarifa uniformea aplikatuko; aitzitik, Washingtonek tasa bereziak ezarriko ditu, estatu bakoitzak AEBri ezartzen dizkion muga-zergen eta "oztopoen" arabera.
Kritika gogorrak EBri
Agintaria bereziki kritikoa izan da Europar Batasunarekin, eta "merkataritzan erabat basatia" izatea eta BEZaren (Balio Erantsiaren gaineko Zerga) bidez "ezkutuko zerga" inposatzea leporatu dio Bruselari, Luxenburgoren % 17 eta Hungariaren % 27 artekoa baita.
"Bada arrazoi bat Alemaniak guk saltzen dizkiegunak baino auto gehiago saltzeko, eta ez da kalitateagatik edo estatubatuar diseinuagatik. Praktika komertzial desleialengatik besterik ez da, eta hori larria da. Muga-zerga ezkutua da", salatu du Trumpek.
Goi-funtzionario batek EFEri azaldu dionez, baliteke Europako automobilgintza sektoreak tarifen igoera nabarmen bati aurre egin behar izatea. Gaur egun, Washingtonek % 2,5eko zerga ezartzen die inportatutako ibilgailuei, baina baliteke % 27ra igotzea.
Gaur egun, EBk % 10eko muga-zerga ezartzen die inportatutako ibilgailuei, Europar Batasuneko BEZaz gain (gutxienez % 17koa da). Beraz, politika berriarekin, AEBk tarifa baliokidea aplikatuko luke, % 10eko muga-zerga eta BEZari dagokion ehunekoa batuz, eta horrek tasa % 27raino igo lezake.
Trumpek dagoeneko % 25eko muga-zergak ezarri dizkio mundu osoko altzairu eta aluminio inportazioei, eta martxoaren 12an sartuko dira indarrean.
Gainera, hilabetez atzeratu zituen Mexikori zein Kanadari ezartzekoak diren % 25eko muga-zergak. Txinari jarritako muga-zergak, ordea, indarrean sartu dira. Txanpon berarekin erantzun zion Asiako erraldoiak, eta % 10 eta % 15 arteko muga-zergak ezarri zizkion, otsailaren 10etik aurrera AEBtik inportatutako zenbait produkturi.
BRICS taldeko estatuei ere mehatxu egin die
Ameriketako Estatu Batuetako presidenteak BRICS+ blokea ere mehatxatu du. Hasieran Brasil, Errusia, India, Txina eta Hegoafrika estatuek osatu zuten eta gerora zabaldu den taldeari esan dio dolarrarekin "jokatzen" badute % 100eko muga-zergak ezarriko dizkiela.
"BRICS asmo txarrarekin sortu zuten", esan du handi-mandiak, eta "dolarrarekin jokatzen badute, egun berean % 100eko muga-zergak ezarriko dizkiegu", gaineratu du.
Albiste gehiago mundua
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.